വീട്ടിലിരുന്ന് വൈദ്യുതി ബില്ലടയ്ക്കാം; മീറ്റർ റീഡർമാർ സ്വൈപ്പിങ് മെഷീനുമായി എത്തും; വിശദമായി അറിയാം
തിരുവനന്തപുരം: മുമ്പൊക്കെ സാധനങ്ങൾ വാങ്ങാൻ പോകുമ്പോൾ പണമാണ് കയ്യിൽ കാെണ്ടുവോവുക. എന്നാൽ ഇപ്പോൾ അത് ഫോണായി. ഫോൺ ഇല്ലെങ്കിൽ കാര്യം കയ്യിൽ നിന്ന് പോകുന്ന അവസ്ഥയാണ്. കാരണം ഇപ്പോൾ ഭൂരിപക്ഷം ആളുകളും ഓൺലൈൻ പേമെന്റാണ് ഉപയോഗിക്കുന്നത്. കുറച്ച് കൂടി എളുപ്പമാണ് ഉപയോഗിക്കാൻ എന്നതും ഓൺലൈൻ പേമെന്റിനെ പ്രിയമുള്ളതാക്കുന്നു. ഒട്ടു മിക്ക എല്ലാ മേഖലകളിലും ഓൺലൈൻ പണമിടപാടാണ് ഇപ്പോൾ.
മുമ്പൊക്കെ ബില്ലടയ്ക്കണമെങ്കിൽ കെ എസ് ഇ ബിയുടെ മുന്നിൽ പോയി നീണ്ട ക്യൂ നിൽക്കണമായിരുന്നു. എന്നാൽ ഇപ്പോൾ ഓൺലൈൻ പേമെന്റ് സംവിധാനങ്ങൾ വഴി പണമടയ്ക്കുന്നവരുണ്ട്. ഫോൺപേയിലൂടെയും ഗൂഗിൾ പേ വഴിയും ബില്ലടയ്ക്കുന്നവരുണ്ട്. എന്നാൽ നിങ്ങൾ ഗൂഗിൽ പേയും ഫോൺ പേയുമൊന്നും ഉപയോഗിക്കാത്തവരാണെങ്കിലും നിങ്ങൾക്ക് വീട്ടിൽ നിന്ന് തന്നെ പണമടയ്ക്കാം എങ്ങനെയാണെന്നല്ലേ..
വീട്ടിലിരുന്ന് കൊണ്ട് തന്നെ സ്വൈപ്പ് ചെയ്ത് വൈദ്യുതി ബിൽ അടയ്ക്കാനുഴ്ഴ സംവിധാനമാണ് വരുന്നത്. മാർച്ച് മുതൽ പരീക്ഷണാടിസ്ഥാനത്തിൽ പദ്ധതി നടപ്പാക്കാനാണ് കെ എസ് ഇ ബി ആലോചന. മീറ്റർ റീഡർമാർ കാർഡ് സ്വൈപ്പിങ് മെഷീനുകളുമായി വീടുകളിലും സ്ഥാപനങ്ങളിലും എത്തി പണം സ്വീകരിക്കുന്ന തരത്തിലാണ് ക്രമീകരണം ഒരുക്കുക,
ഉപയോക്താക്കൾക്ക് ക്രെഡിറ്റ്, ഡെബിറ്റ് കാർഡുകൾ വഴിയും യു പി ഐ പേമെന്റ് വഴിയും പണമടയ്ക്കാനാകും. സംസ്ഥാനത്ത് 1. 35 കോടി വൈദ്യുതി ഉപയോക്താക്കളിൽ 60 ശതമാനവും ഓൺലൈനായാണ് പണമടയ്ക്കുന്നത്. ഗൂഗിൾ പേ, ഫോൺ പേ വഴിയാണ് കൂടുതൽ ഇടപാടുകളും.
നിലവിൽ ഓൺലൈൻ സംവിധാനങ്ങൾ ഉപയോഗിക്കാത്തവർക്കും ഈ സംവിധാനം വഴി കെ എസ് ഇ ബി ഓഫീസുകളിൽ നേരിട്ടെത്താതെ പണം അടയ്ക്കാനുള്ള സൗകര്യം ലഭ്യമാക്കുക എന്നതാണ് ലക്ഷ്യം. കനറ ബാങ്കിന്റെ സഹകരണത്തോടെ അയ്യായിരത്തോളം മെഷീനുകൾ വഴി പദ്ധതി നടപ്പാക്കാനാണ് തീരുമാനം...
Click it and Unblock the Notifications
Sign in with Google