സംഘടനയില്‍ വിള്ളലുണ്ടാക്കാന്‍ നോക്കുന്നവരെ നേരിടും.... ബാലകൃഷ്ണപ്പിള്ളക്കെതിരെ എന്‍എസ്എസ്!!

തിരുവനന്തപുരം: ആര്‍ ബാലകൃഷ്ണ പിള്ളയ്‌ക്കെതിരെ രൂക്ഷ വിമര്‍ശനവുമായി എന്‍എസ്എസ്. സംഘടനയില്‍ വിള്ളലുണ്ടാക്കാന്‍ ശ്രമിക്കുന്നവരെ നേരിടുമെന്നും, രണ്ട് നേതാക്കളും ഇപ്പോള്‍ ചേക്കേറിയ നേതാവും സംഘടനയ്‌ക്കെതിരെ രൂക്ഷപ്രതികരണങ്ങള്‍ നടത്തുന്നത് തന്നെ ഗൂഢലക്ഷ്യങ്ങള്‍ കാരണമാണ്. ആ പരിപ്പ് ഇവിടെ വേവില്ല. സര്‍ക്കാര്‍ സമ്മര്‍ദം ഉപയോഗിച്ച് നടത്തുന്ന വനിതാ മതില്‍ എങ്ങനെ നവോത്ഥാന മതിലാകുമെന്ന് ജി സുകുമാരന്‍ നായര്‍ പറഞ്ഞു. എന്‍എസ്എസ് സമദൂരം പാലിക്കുമെന്നും ആചാരസംരക്ഷണം ഉറപ്പാക്കുമെന്നും അദ്ദേഹം പറഞ്ഞു. ആര്‍ ബാലകൃഷ്ണ പിള്ള കഴിഞ്ഞ ദിവസം എന്‍എസ്എസിനെതിരെ കടുത്ത വിമര്‍ശനം നടത്തിയിയിരുന്നു.

എന്‍എസ്എസിന്റെ സമദൂര നിലപാട് മാറ്റാനാവില്ലെന്നും സുകുമാരന്‍ നായര്‍ക്ക് ആരെയെങ്കിലും പിന്തുണയ്ക്കണമെങ്കില്‍ സ്വന്തമായി അത് നടത്താമെന്നും സംഘടനയുടെ ബലത്തില്‍ വേണ്ടെന്നും ബാലകൃഷ്ണ പിള്ള പറഞ്ഞിരുന്നു. ചട്ടമ്പി സ്വാമിയുടെയും മന്നത്തിന്റെയും കെ കേളപ്പന്റെയും പാരമ്പര്യം സമുദായ നേതൃത്വം മറക്കരുതെന്നും പിള്ള മുന്നറിയിപ്പ് നല്‍കിയിരുന്നു. ഇതിന് പിന്നാലെ താന്‍ എന്‍എസ്എസില്‍ തുടരുമെന്നും വനിതാ മതിലില്‍ പങ്കെടുക്കുമെന്നും അദ്ദേഹം പറഞ്ഞിരുന്നു. അതേസമയം ബാലകൃഷ്ണ പിള്ളക്കെതിരെ രൂക്ഷ വിമര്‍ശനവുമായി വിഎസ് അച്യുതാനന്ദനും രംഗത്തെത്തിയിട്ടുണ്ട്. കുടുംബത്തില്‍ പിറന്ന സ്ത്രീകള്‍ ശബരിമലയിലേക്ക് പോകില്ലെന്ന് നിലപാടുള്ളര്‍ ഇടതുമുന്നണിക്ക് ബാധ്യതയാണെന്നും വിഎസ് പറഞ്ഞു.

English summary

nss against balakrishnapilla