Click it and Unblock the Notifications
Just In
Don't Miss
-
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ -
25 തികഞ്ഞ 'ധൂം' ബൈക്കിന്റെ സ്പെഷ്യല് എഡിഷനുമായി സുസുക്കി! വാങ്ങാന് എസ്യുവിയുടെ വിലയാകും -
കെമ്പമ്മ ദേവി നല്കിയ സ്വപ്ന ദര്ശനം; നായയെ ദൈവമായി ആരാധിക്കുന്ന ക്ഷേത്രം -
IPL 2024: സാറ സൂക്ഷിച്ചോ, ഗാലറിയിലെ സുന്ദരിയെ കണ്ട് കണ്ണുതള്ളി ഗില്! സ്പാനിഷ് നടിയോ, വീഡിയോ -
വെറുപ്പിന്റെ അങ്ങേയറ്റം ജാസ്മിനും ഗബ്രിക്കും സപ്പോര്ട്ട്; വൈല്ഡ് കാര്ഡ് എന്ട്രികളുടെ ശ്രമം പാളുന്നു? -
സൂചിക ഇടിവ് തുടർന്നേക്കും, നേട്ടമുണ്ടാക്കണമെങ്കിൽ ഈ രണ്ട് ഓഹരി വാങ്ങാം, ബ്രോക്കറേജ് ശുപാർശ ഇതാണ് -
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്!
സുകുമാരന്‍ നായര്‍ മാപ്പു പറയണമെന്ന് എന്‍എസ്എസ് കരയോഗം
കോട്ടയം: ബാര്‍ കോഴക്കേസില്‍ ധനമന്ത്രി കെഎം മാണിയെ പിന്തുണച്ച എന്‍എസ്എസ് ജനറല്‍ സെക്രട്ടറി ജി സുകുമാരന്‍നായര്‍ക്കെതിരെ പാളയത്തില്‍ പട. താന്‍ പറയുന്നതിനപ്പുറം ഒരു നായരുമില്ലെന്ന് പലപ്പോഴും പറയുന്ന സുകുമാരന്‍ നായരോട് മാപ്പു പറയാന്‍ ആവശ്യപ്പെട്ടിരിക്കുകയാണ് ഉഴവൂര്‍ കരുനെച്ചി കരയോഗം.
നായര്‍ സമുദായത്തെ ഒന്നടങ്കം അപമാനിക്കുന്ന തീരുമാനമാണ് സുകുമാരന്‍ നായരുടെതെന്ന് പ്രേമേയം പാസാക്കിക്കൊണ്ട് കരയോഗം ഭാരവാഹികള്‍ പറഞ്ഞു. മാണിക്കെതിരെ കേരള ജനത ഒന്നടങ്കം പ്രതിഷേധിക്കുമ്പോഴാണ് അഴിമതിക്ക് കുടപിടിക്കുന്ന തരത്തില്‍ സുകുമാരന്‍ നായര്‍ മാണിക്ക് പിന്തുണ പ്രഖ്യാപിച്ചതെന്ന് കരയോഗം വിലയിരുത്തി.
നായര്‍ സമുദായാംഗങ്ങളുടെ ദൈനംദിന കാര്യങ്ങള്‍ ശ്രദ്ധിക്കാത്ത ജനറല്‍ സെക്രട്ടറിയാണ് കേരള കോണ്‍ഗ്രസ് മാണിക്കുവേണ്ടി രംഗത്തിറങ്ങിയിരിക്കുന്നത്. ജനം തള്ളിപ്പറഞ്ഞ വ്യക്തിയ സംരിക്ഷിക്കുന്നത് നായര്‍ സമുദായത്തിന് യോജിച്ച പ്രവര്‍ത്തിയല്ല. മാണിയെ അനുകൂലിച്ച് പിന്തുണ പ്രഖ്യാപിച്ച സുകുമാരന്‍ നായര്‍ നിലപാട് പിന്‍വലിച്ച് എത്രയും പെട്ടെന്ന് മാപ്പു പറയണമെന്ന് കരയോഗം ആവശ്യപ്പെട്ടു.
കെ എം മാണിക്കെതിരെ രാജി ആവശ്യം ശക്തമായ സാഹചര്യത്തിലാണ് മാണിക്ക് പിന്തുണയുമായി സുകുമാരന്‍ നായര്‍ പ്രസ്താവന നടത്തിയത്. മാണി മാന്യനാണെന്നാണ് തന്റെ അനുഭവം. ബിജു രമേശിന്റെ വാക്കുകള്‍ക്ക് സത്യവുമായി ബന്ധമില്ലെന്നും മാണിയെ കുരിശില്‍ തറയ്‌ക്കേണ്ടെന്നും സുകുമാരന്‍ നായര്‍ മാധ്യമങ്ങളോട് പറഞ്ഞിരുന്നു.
