എൻഎസ്എസിന്റെ നാമജപ ഘോഷയാത്ര; കണ്ടാലറിയുന്ന 1000 പേർക്കെതിരെ കേസ്,വൈസ് പ്രസിഡന്റ് ഒന്നാം പ്രതി
തിരുവനന്തപുരം: സ്പീക്കർ എഎൻ ഷംസീറിന്റെ പ്രസംഗത്തിൽ പ്രതിഷേധിച്ച് എൻ എസ് എസ് നടത്തിയ നാമജപ ഘോഷയാത്രയ്ക്കെതിരെ കേസെടുത്ത് പോലീസ്. ബുധാനാഴ്ച തലസ്ഥാനത്ത് നടത്തിയ ഘോഷയാത്രയ്ക്കെതിരെയാണ് കേസ്. കണ്ടാലറിയാവുന്ന ആയിരത്തോളം പേർക്കെതിരെയാണ് അന്യായമായി സംഘം ചേർന്നെന്ന് ആരോപിച്ച് കേസെടുത്തത്. എൻ എസ് എസ് വൈസ് പ്രസിഡന്റ് എം സംഗീത് കുമാറാണ് ഒന്നാം പ്രതി.
പാളയം ഗണപതി ക്ഷേത്രത്തിന് സമീപം ആളുകൾ അന്യായമായി സംഘം ചേർന്നു, അനുമതിയില്ലാതെ വാഹനങ്ങളിൽ മൈക്ക് ഘടിപ്പിച്ചു, വാഹനങ്ങൾക്കും കാൽനട യാത്രക്കാർക്കും മാർഗതടസം സൃഷ്ടിച്ചു തുടങ്ങിയ കുറ്റങ്ങളാണ് എഫ്ഐആറിൽ പറയുന്നത്. പിരിഞ്ഞ് പോകണമെന്ന ഉദ്യോഗസ്ഥരുടെ നിർദ്ദേശം ലംഘിച്ചാണ് പ്രതിഷേധം സംഘടിപ്പിച്ചതെന്നും എഫ് ഐ ആറിലുണ്ട്.
എൻ എസ് എസ് തിരുവനന്തപുരം താലൂക്ക് യൂണിയന്റെ നേതൃത്വത്തിൽ 175 കരയോഗങ്ങളിൽ നിന്നുള്ളവരാണ് യാത്രയിൽ പങ്കെടുത്തത്. വൈകീട്ട് അഞ്ചരയോടെയായിരുന്നു യാത്ര സംഘടിപ്പിച്ചിരുന്നത്. ഗണപതി വിഗ്രഹങ്ങളേന്തി സ്തുതി ഗീതങ്ങൾ പാടിയായിരുന്നു യാത്ര. സ്ത്രീകൾ ഉൾപ്പെടെയുള്ള ആയിരങ്ങളാണ് യാത്രയിൽ പങ്കെടുത്തത്.
അതേസമയം വിവാദ പരാമർശത്തിൽ സ്പീക്കർ മാപ്പ് പറയാൻ തയ്യാറായില്ലെങ്കിൽ കൂടുതൽ പ്രതിഷേധങ്ങൾ സംഘടിപ്പിക്കുമെന്നാണ് എൻ എസ് എസിന്റെ മുന്നറിയിപ്പ്. 'സ്പീക്കറുടെ പ്രതികരണം വിശ്വാസികളുടെ വേദനയ്ക്ക് പരിഹാരമാകില്ല. വിഷയത്തില് സര്ക്കാര് നിലപാട് എന്താണെന്നാണ് ഇനി അറിയേണ്ടത്. സര്ക്കാര് നിലപാടും ഇതേരീതിയില് തന്നെയാണെങ്കില് പ്രശ്നപരിഹാരത്തിന് സമാധാനപരവും പ്രായോഗികവുമായ മറ്റു മാര്ഗങ്ങള് തേടേണ്ടിവരും', എന്നായിരുന്നു സുകുമാരന് നായര് വാർത്താക്കുറിപ്പിൽ പറഞ്ഞത്.
എറണാകുളത്ത് കുന്നത്തുനാട് മണ്ഡലത്തിൽ വിദ്യാജ്യോതി-സ്ലേറ്റ് പദ്ധതി ഉദ്ഘാടനം ചെയ്യവേ സ്പീക്കർ പറഞ്ഞ കാര്യങ്ങൾക്കെതിരെയാണ് എൻഎസ്എസും സംഘപരിവാർ സംഘടനകളും രംഗത്തെത്തിയത്. ഹിന്ദുത്വ കാലഘട്ടത്തിലെ അന്ധവിശ്വാസങ്ങൾ പുരോഗമനത്തെ പിന്നോട്ട് നയിക്കുന്നുവെന്നായിരുന്നു എഎൻ ഷംസീറിന്റെ പ്രസംഗം. ശാസ്ത്ര സാങ്കേതിക രംഗത്തെ നേട്ടങ്ങൾക്കു പകരം ഹൈന്ദവ പുരാണത്തിലെ മിത്തുകളാണു കുട്ടികളെ പഠിപ്പിക്കാൻ ശ്രമിക്കുന്നതെന്നും പ്രസംഗത്തിൽ സ്പീക്കർ പറഞ്ഞിരുന്നു.
അതേസമയം താൻ ഒരു മതത്തേയും വ്രണപ്പെടുത്തിയിട്ടില്ലെന്നായിരുന്നു
കഴിഞ്ഞ ദിവസം എഎൻ ഷംസീറിന്റെ പ്രതികരിച്ചത്. എല്ലാ മതവിശ്വാസങ്ങളെയും ബഹുമാനിക്കുന്നയാളാണ് താന്. ശാസ്ത്രത്തെക്കുറിച്ച് പറഞ്ഞാല് അത് എങ്ങനെ മതവിശ്വാസത്തിന് എതിരാകുമെന്നും ഷംസീര് ചോദിച്ചിരുന്നു. വിഷയത്തിൽ ഷംസീർ മാപ്പ് പറയില്ലെന്നാണ് സി പി എം സംസ്ഥാന സെക്രട്ടറി എംവി ഗോവിന്ദനും പ്രതികരിച്ചത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google