ജനറല് കമ്പാര്ട്ടുമെന്റുകളുടെ എണ്ണം വര്ധിപ്പിക്കണം'; റെയിൽവേ മന്ത്രിക്ക് കത്തയച്ച് ജോണ് ബ്രിട്ടാസ് എംപി
ട്രെയിനുകളില് ജനറല് കമ്പാര്ട്ടുമെന്റുകളുടെ എണ്ണം വര്ധിപ്പിക്കുക, മറ്റ് ട്രെയിനുകള് ദീര്ഘനേരം പിടിച്ചിട്ട് വന്ദേ ഭാരത് ട്രെയിനുകള് കടത്തിവിടുന്ന രീതി പുനഃപരിശോധിക്കുക എന്നീ ആവശ്യങ്ങൾ ഉന്നയിച്ച് കേന്ദ്ര റെയിൽവേ മന്ത്രിക്ക് കത്തയച്ച് ജോൺ ബ്രിട്ടാസ് എം പി. ഉത്തര കേരളത്തില് സര്വീസ് നടത്തുന്ന ട്രെയിനുകളില് ജനറല് കമ്പാര്ട്ടുമെന്റുകളുടെ കുറവ് നിമിത്തം യാത്രക്കാര് അങ്ങേയറ്റം കഷ്ടപ്പെടുകയാണെന്നും കത്തിൽ എംപി ചൂണ്ടിക്കാട്ടി.
'തുലോം പരിമിതമായ ജനറല് കമ്പാര്ട്ടുമെന്റുകളില് സൂചി കുത്താനിടമില്ലാതെ തിങ്ങി നിറഞ്ഞാണ് ഇപ്പോള് യാത്രക്കാര് സഞ്ചരിക്കുന്നത്. ഗുസ്തി പിടിച്ചു തിങ്ങി നിറഞ്ഞുനില്ക്കുന്നവരെ ചവിട്ടിയകറ്റി മാത്രമേ ജനറല് കംപാര്ട്മെന്റുകളിലേക്ക് പ്രവേശിക്കുവാന് പോലും കഴിയൂ. പലപ്പോഴും വാതില്പ്പടിയില് തൂങ്ങിനിന്നാണ് യാത്ര.
വായു സഞ്ചാരം പോലും തടസ്സപെടുന്ന രീതിയില് തിങ്ങിനിറഞ്ഞു യാത്ര ചെയ്യുന്നത് മൂലം യാത്രക്കാര് ബോധരഹിതരാകുന്നത് പതിവ് കാഴ്ചയായി മാറിയിട്ടും റെയില്വേ അധികാരികള് കണ്ട മട്ട് നടിച്ചിട്ടില്ല. ഉത്തര കേരളത്തില് സര്വീസ് നടത്തുന്ന ട്രെയിനുകളില് ജനറല് കോച്ചുകളുടെ എണ്ണം വര്ധിപ്പിച്ചാല് മാത്രമേ ഇതിനൊരറുതി വരുത്താന് കഴിയൂ. അതിനാൽ തന്നെ എത്രയും വേഗം ട്രെയിനുകളില് ജനറല് കമ്പാര്ട്ടുമെന്റുകളുടെ എണ്ണം കൂട്ടാന് വേണ്ട നിര്ദേശം റെയില്വേ അധികാരികള്ക്കു നല്കണം.
കൂടാതെ വന്ദേ ഭാരത് ട്രെയിനുകള് കൃത്യ സമയത്തു സര്വീസ് നടത്തുന്നതിന് വേണ്ടി മറ്റു ട്രെയിനുകള് ദീര്ഘനേരം പലയിടങ്ങളിലായി പിടിച്ചിടുന്നത് പതിവ് കാഴ്ചയായി മാറിക്കഴിഞ്ഞിരിക്കുന്നു. ഓഫീസുകളിലും വിദ്യാഭ്യാസ സ്ഥാപനങ്ങളിലും മറ്റും പോകേണ്ട സാധാരണ ട്രെയിനുകളിലെ സ്ഥിരം യാത്രക്കാരാണ് ഇതുമൂലം ബുദ്ധിമുട്ടുന്നത്. പല ട്രെയിനുകളും മണിക്കൂറുകളോളം വൈകിയാണ് ലക്ഷ്യസ്ഥാനത്തെത്തുന്നത്. ഇത് പരിഹരിക്കുന്നതിന് വന്ദേ ഭാരത് ട്രെയിനുകളുടെ സമയക്രമം പരിഷ്കരിക്കുന്നതിന് പകരം മറ്റു ട്രെയിനുകളുടെ സമയം മാറ്റാനാണ് റെയില്വേ ശ്രമിക്കുന്നത്.
അടിയന്തരമായി ഈ വിഷയത്തിലും ഇടപെട്ട് വന്ദേ ഭാരത് ട്രെയിനുകളുടെ സമയ ക്രമം യുക്തിസഹമായി പരിഷ്കരിച്ച് മറ്റു ട്രെയിനുകളുടെ നിലവിലുണ്ടായിരുന്ന സമയക്രമം മാറ്റം വരുത്താതെ നിലനിര്ത്തണമെന്നും ജോണ് ബ്രിട്ടാസ് എംപി കേന്ദ്ര റെയില്വേ മന്ത്രിക്ക് അയച്ച കത്തിൽ ആവശ്യപ്പെട്ടു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google