കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കടം വാങ്ങിയതിനെ ചൊല്ലി തര്‍ക്കം;മലപ്പുറത്ത് സുഹൃത്തിനെ തലയ്ക്കടിച്ചു കൊന്ന ഒഡീഷ സ്വദേശി പിടിയില്‍

സംഭവത്തിന് ശേഷം ഹൊഗാര്‍ദേവിന്റെ പെരുമാറ്റത്തില്‍ സംശയം തോന്നിയ പോലീസ് ഇയാളെ കേന്ദ്രീകരിച്ചാണ് അന്വേഷണം ആരംഭിച്ചത്.

  • By Afeef Musthafa
Google Oneindia Malayalam News

മലപ്പുറം: കൊണ്ടോട്ടി പുളിക്കലിലെ വാടക ക്വാര്‍ട്ടേഴ്‌സില്‍ ബീഹാര്‍ സ്വദേശിയെ തലയ്ക്കടിച്ചു കൊന്ന കേസില്‍ ഒഡീഷ സ്വദേശിയെ പോലീസ് അറസ്റ്റ് ചെയ്തു. ഒഡീഷ നവരംഗ്പൂര്‍ സ്വദേശി സൈനാസിയുടെ മകന്‍ ഹൊഗാര്‍ദോവാണ് പോലീസ് പിടിയാലയത്. 2016 ഡിസംബര്‍ 18നാണ് ക്വാര്‍ട്ടേഴ്‌സില്‍ താമസിക്കുന്ന മജി എന്ന യുവാവിനെ ഹൊഗാര്‍ദോവ് തലയ്ക്കടിച്ച് കൊന്നത്.

മജിയില്‍ നിന്ന് ഹൊഗാര്‍ദോവ് 2000 രൂപ കടം വാങ്ങിയിരുന്നു. ഇത് തിരിച്ചു ചോദിച്ചതുമായി ബന്ധപ്പെട്ട തര്‍ക്കമാണ് കൊലപാതകത്തില്‍ കലാശിച്ചത്. വാക്ക് തര്‍ക്കത്തിനൊടുവില്‍ മുറിയിലുണ്ടായിരുന്ന പണി ആയുധമായ കൈക്കോട്ട് ഉപയോഗിച്ചാണ് ഹൊഗാര്‍ദോവ് മജിയുടെ തലയ്ക്കടിച്ചത്. സംഭവത്തിന് ശേഷം സമീപത്തെ ക്വാര്‍ട്ടേഴ്‌സിലെ തൊളിലാളികള്‍ക്കൊപ്പം ചീട്ടുകളിക്കാന്‍ പോയ ഹൊഗാര്‍ദോവ് ആരോടും ഒന്നും പറഞ്ഞിരുന്നില്ല.

arrest

ഏറെ വൈകിയാണ് രക്തത്തില്‍ കുളിച്ചു കിടക്കുന്ന മജിയെ മറ്റു സഹപ്രവര്‍ത്തകര്‍ കണ്ടെത്തിയത്. പരിക്കേറ്റ മജിയെ മെഡിക്കല്‍ കോളേജിലെത്തിച്ചെങ്കിലും രക്ഷിക്കാനായില്ല. സംഭവത്തിന് ശേഷം ഹൊഗാര്‍ദേവിന്റെ പെരുമാറ്റത്തില്‍ സംശയം തോന്നിയ പോലീസ് ഇയാളെ കേന്ദ്രീകരിച്ചാണ് അന്വേഷണം ആരംഭിച്ചത്.

ജില്ലാ പോലീസ് മേധാവി ദേബേഷ് കുമാര്‍ ബെഹ്‌റയുടെ നേതൃത്വത്തിലുള്ള സംഘമാണ് കേസ് അന്വേഷിച്ചത്. പ്രതിക്ക് ഒഡിയ ഒഴികെ മറ്റൊരു ഭാഷയും അറിയാത്തതിനാല്‍ തെളിവെടുപ്പിനും മൊഴിയെടുക്കാനും പോലീസിന് ഏറെ ബുദ്ധിമുട്ടേണ്ടി വന്നു. ഒഡിയ ഭാഷ വശമുള്ള പുളിക്കല്‍ സ്വദേശികളുടെ സഹായത്താലാണ് പോലീസിന് പ്രതിയുടെ മൊഴിയെടുക്കാന്‍ കഴിഞ്ഞത്.

English summary
Odisha native arrested on a murder case in malappuram.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X