ബിവറേജസ്സിനു മുന്നിൽ ബൈക്കിടിച്ച് പരിക്കേറ്റ വൃദ്ധൻ മരിച്ചു

തിരുവനന്തപുരം: കരമന-കളിയിക്കാവിള ദേശീയപാതയിൽ ബാലരാമപുരം ബിവറേജസിനു മുന്നിൽ ബൈക്കിടിച്ച് പരിക്കേറ്റ വൃദ്ധൻ മെഡിക്കൽ കോളേജിൽ ചികിത്സയിലിരിക്കെ മരിച്ചു. കഴിഞ്ഞ 23 ന് വൈകുന്നേരം 5.30 ന് ആണ് സംഭവം. ബിവറേജസിൽ നിന്നും മദ്യം വാങ്ങി റോഡ് മുറിച്ചു കടക്കവെ യുവാക്കൾ സഞ്ചരിച്ചിരുന്ന പൾസർ ബൈക്ക് വൃദ്ദനെ ഇടിച്ചിടുകയായിരുന്നു.

ഇടിയുടെ ആഘാതത്തിൽ തലക്ക് ഗുരുതര പരിക്കേറ്റ് രക്തം വാർന്ന നിലയിലായ അജ്ഞാതനെ ബാലരാമപുരം പൊലീസെത്തിയാണ് ആംബുലൻസിൽ മെഡിക്കൽ കോളേജിലേക്ക് കൊണ്ടുപോയത്. ബൈക്ക് യാത്രികരായ യുവാക്കൾക്കും പരിക്കേറ്റിരുന്നു. ഇവരും ആശുപത്രിയിൽ ചികിത്സ തേടി. ഇടിച്ചിട്ട ബൈക്ക് പൊലീസ് കസ്റ്റഡിയിലെടുത്തിട്ടുണ്ട്. ഈ കഴിഞ്ഞ 30 ന് വൃദ്ധന്റെ മരണം സംഭവിക്കുകയായിരുന്നു.

ഇതേവരെയും ആളെ തിരിച്ചറിഞ്ഞിട്ടെല്ലെന്നാണ് പൊലീസ് പറയുന്നത്. ഉദ്ദേശം 60 വയസ്സ് വരും. മൃതദേഹം മെഡിക്കൽ കോളേജിൽ സൂക്ഷിച്ചിരിക്കുകയാണ്. എന്തെങ്കിലും വിവരം ലഭിക്കുന്നവര് ബാലരാമപുരം പൊലീസ് സ്റ്റേഷനില് വിവരം അറിയിക്കുക ഫോണ് -04712400366, സബ്ബ് ഇൻസ്പെക്ടർ -9497980103, എ.എസ്.ഐ – 9497987025 എന്നീ നമ്പരുകളിൽ ബന്ധപ്പെടുക.

English summary

Old man met accident in front of beverage shop