സംസ്ഥാനത്ത് 23 പേര്ക്ക് ഒമൈക്രോണ്; തിരുവനന്തപുരത്ത് 11 പേര്ക്ക്, സമ്പര്ക്കത്തിലൂടെ ഒരാള്ക്ക്
തിരുവനന്തപുരം: കേരളത്തിലും ഒമൈക്രോണ് ബാധിതരുടെ എണ്ണം വര്ധിക്കുന്നു. സംസ്ഥാനത്ത് ഇന്ന് 23 പേര്ക്കാണ് ഒമൈക്രോണ് സ്ഥിരീകരിച്ചുവെന്ന് ആരോഗ്യ വകുപ്പ് മന്ത്രി വീണാ ജോര്ജ്ജ് അറിയിച്ചു. തിരുവനന്തപുരം 11, കൊല്ലം 4, കോട്ടയം 3, ആലപ്പുഴ, തൃശൂര്, കോഴിക്കോട് ഒന്ന് വീതം എന്നിങ്ങനെയാണ് ഒമിക്രോണ് രോഗികള്. ഇതുകൂടാതെ രണ്ട് തമിഴ്നാട് സ്വദേശികള്ക്കും രോഗം ബാധിച്ചു. 16 പേര് ലോ റിസ്ക് രാജ്യങ്ങളില് നിന്നും 4 പേര് ഹൈ റിസ്ക് രാജ്യങ്ങളില് നിന്നും വന്നതാണ്. കൊല്ലം സ്വദേശികളായ രണ്ട് പേര് തമിഴ്നാട്ടില് നിന്നും വന്നതാണ്. ഒരാള്ക്ക് സമ്പര്ക്കത്തിലൂടെ ഒമിക്രോണ് ബാധിച്ചു. തിരുവനന്തപുരം ജില്ലയിലെ 23 വയസുകാരിക്കാണ് സമ്പര്ക്കത്തിലൂടെ രോഗം ബാധിച്ചത്.
തിരുവനന്തപുരത്ത് യുഎഇയില് നിന്നെത്തിയ അഞ്ച് പേര്ക്കും ഫ്രാന്സില് നിന്നെത്തിയ രണ്ട് പേര്ക്കും റഷ്യ, യുകെ, യുഎസ്എ എന്നിവിടങ്ങളില് നിന്നെത്തിയ ഒരോരുത്തര്ക്കുമാണ് ഒമൈക്രോണ് സ്ഥിരീകരിച്ചത്. കൊല്ലത്ത് യുഎഇയില് നിന്നെത്തിയ ഒരാള്ക്കും ഖത്തറില് നിന്നെത്തിയ ഒരാള്ക്കും കോട്ടയത്ത് യുഎഇയില് നിന്നെത്തിയ മൂന്ന് പേര്ക്കും ആലപ്പുഴയില് യുഎഇ നിന്നെത്തിയ ഒരാള്ക്കും തൃശൂരില് ഖത്തറില് നിന്നെത്തിയ ഒരാള്ക്കും രോഗം സ്ഥീരീകരിച്ചു. കോഴിക്കോട് യുഎഇ നിന്നെത്തിയ ഒരാള്ക്കും രോഗം സ്ഥിരീകരിച്ചു. തമിഴ്നാട് സ്വദേശികള് യുഎഇയില് നിന്നും വന്നതാണ്.
ഇതോടെ സംസ്ഥാനത്ത് ആകെ 328 പേര്ക്കാണ് ഒമിക്രോണ് സ്ഥിരീകരിച്ചിരിക്കുന്നത്. അപകട സാധ്യത കുറഞ്ഞ രാജ്യങ്ങളില് നിന്നും 225 പേരും അപകട സാദ്യത കൂടിയ രാജ്യങ്ങളില് നിന്നും ആകെ 68 പേരുമാണ് എത്തിയത്. 33 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്. മറ്റ് സംസ്ഥാനങ്ങളില് നിന്നും വന്ന 2 പേരാണുള്ളത്.
അതേ സമയം, കേരളത്തില് ഇന്ന് പുതുതായി 5944 പേര്ക്ക് കോവിഡ്-19 സ്ഥിരീകരിച്ചു. തിരുവനന്തപുരം 1219, എറണാകുളം 1214, കോഴിക്കോട് 580, തൃശൂര് 561, കോട്ടയം 319, പത്തനംതിട്ട 316, കൊല്ലം 299, കണ്ണൂര് 280, മലപ്പുറം 260, പാലക്കാട് 248, ആലപ്പുഴ 235, കാസര്ഗോഡ് 150, ഇടുക്കി 147, വയനാട് 116 എന്നിങ്ങനെയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.കഴിഞ്ഞ ദിവസങ്ങളിലുണ്ടായ 33 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതുകൂടാതെ സുപ്രീംകോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 209 മരണങ്ങളും റിപ്പോര്ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 49,547 ആയി.
ഇന്ന് രോഗം സ്ഥിരീകരിച്ചവരില് 80 പേര് സംസ്ഥാനത്തിന് പുറത്ത് നിന്നും വന്നവരാണെന്നാണ് കണക്കുകല് സൂചിപ്പിക്കുന്നത്. 5479 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 337 പേരുടെ സമ്പര്ക്ക ഉറവിടം വ്യക്തമല്ല. 48 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 2463 പേര് രോഗമുക്തി നേടി. തിരുവനന്തപുരം 517, കൊല്ലം 26, പത്തനംതിട്ട 184, ആലപ്പുഴ 133, കോട്ടയം 165, ഇടുക്കി 62, എറണാകുളം 502, തൃശൂര് 153, പാലക്കാട് 80, മലപ്പുറം 94, കോഴിക്കോട് 268, വയനാട് 86, കണ്ണൂര് 152, കാസര്ഗോഡ് 41 എന്നിങ്ങനേയാണ് രോഗമുക്തിയായത്. ഇതോടെ 31,098 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 51,97,960 പേര് ഇതുവരെ കോവിഡില് നിന്നും മുക്തി നേടിയിട്ടുണ്ടെന്നും ആരോഗ്യ വകുപ്പ് അധികൃതര് അറിയിച്ചു.
Click it and Unblock the Notifications
Sign in with Google