500 രൂപ മുടക്കിയാല് 25 കോടി കൈയിലെത്തും..! 22 പേരെ കോടീശ്വരന്മാരാക്കാന് ഓണം ബംപറെത്തി
തിരുവനന്തപുരം: ഭാഗ്യാന്വേഷികള്ക്ക് പ്രതീക്ഷയേകി ഈ വര്ഷത്തെ ഓണം ബംപര് പുറത്തിറക്കി സംസ്ഥാന ലോട്ടറി വകുപ്പ്. 22 പേരെ കോടിപതികളാക്കുന്ന തരത്തിലുള്ള സമ്മാന ഘടനയോടെയാണ് ഓണം ബംപര് ലോട്ടറി എത്തിയിരിക്കുന്നത്. 500 രൂപയാണ് ഓണം ബംപറിന്റെ വില. ഒന്നാം സമ്മാനം 25 കോടി രൂപയാണ്..! രണ്ടാം സമ്മാനം ലഭിക്കുന്നവര്ക്കും കോടീശ്വരന്മാരാകാം.
രണ്ടാം ഒരു കോടി രൂപയാണ്. 20 പേര്ക്കാണ് രണ്ടാം സമ്മാനമായ ഒരു കോടി രൂപ ലഭിക്കുക. ഇത് കൂടാതെ ഒന്നാം സമ്മാനത്തിന് അര്ഹമായ ടിക്കറ്റ് വില്ക്കുന്ന ഏജന്റിനും കമ്മീഷനായി കോടികള് ലഭിക്കും. ഇങ്ങനെ 22 പേരെയാണ് ഫലത്തില് ഓണം ബംപര് കോടീശ്വരന്മാരാക്കുന്നത്. ഓണം ബംപര് ഇന്ന് മുതല് വിപണിയിലെത്തിയിട്ടുണ്ട്. സെപ്റ്റംബര് 27 ഉച്ചയ്ക്ക് രണ്ട് മണിക്കാണ് ഓണം ബംപറിന്റെ നറുക്കെടുപ്പ്.
കഴിഞ്ഞ വര്ഷത്തെ അതേ സമ്മാന ഘടനയിലാണ് ഇത്തവണയും ബംപര് പുറത്തിറക്കിയിരിക്കുന്നത്. ടിഎ, ടിബി, ടിസി, ടിഡി. ടിഇ, ടിജി, ടിഎച്ച്, ടിജെ, ടികെ, ടിഎല് എന്നിങ്ങനെ പത്ത് സീരീസുകളില് ആണ് ടിക്കറ്റുകള് പ്രിന്റ് ചെയ്തിരിക്കുന്നത്. ഓണം ബംപറിന്റെ മൂന്നാം സമ്മാനം 50 ലക്ഷം രൂപയാണ്. ഇതും 20 പേര്ക്ക് വീതം ലഭിക്കും. ഓരോ സീരീസിലും രണ്ട് സമ്മാനം ലഭിക്കും.
നാലാം സമ്മാനമായ അഞ്ച് ലക്ഷം രൂപ 10 പേര്ക്കാണ് ലഭിക്കുക. അഞ്ചാം സമ്മാനമായ രണ്ട് ലക്ഷം രൂപയും 10 പേര്ക്ക് ലഭിക്കും. ആറാം സമ്മാനം 5,000 രൂപയും ഏഴാം സമ്മാനം 2,000 രൂപയും എട്ടാം സമ്മാനം 1,000 രൂപയുമാണ്. ഒമ്പതാം സമ്മാനം 500 രൂപയാണ്. സമാശ്വാസ സമ്മാനമായി ഒമ്പത് പേര്ക്ക് അഞ്ച് ലക്ഷം രൂപ വീതം ലഭിക്കുന്ന തരത്തിലാണ് സമ്മാന ഘടന നിശ്ചയിച്ചിരിക്കുന്നത്.
ആകെ 5,34,670 പേര്ക്ക് 125.54 കോടി രൂപയാണ് ഓണം ബംപറില് സമ്മാനത്തുകയായി നല്കുക. കഴിഞ്ഞ വര്ഷവും ഇങ്ങനെ തന്നെയായിരുന്നു. സംസ്ഥാന ലോട്ടറി വകുപ്പ് പുറത്തിറക്കുന്ന ഏറ്റവും ഉയര്ന്ന സമ്മാനത്തുകയുള്ള ബംപറാണ് ഓണം ബംപര്. അതിനാല് തന്നെ ഇതിന് ആവശ്യക്കാരും ഏറെയാണ്. കഴിഞ്ഞ വര്ഷം 71.5 ലക്ഷം ടിക്കറ്റുകളാണ് വിറ്റത്. ഇത്തവണ ഈ കണക്ക് മറികടക്കും എന്നാണ് ലോട്ടറി വകുപ്പിന്റെ പ്രതീക്ഷ.
കേരളത്തില് ഏറ്റവും അധികം ശ്രദ്ധിക്കപ്പെടുന്നതാണ് ഓണം ബംപറെന്ന് ലോട്ടറി പ്രകാശന വേളയില് ധനമന്ത്രി കെഎന് ബാലഗോപാല് പറഞ്ഞു. മികച്ച സമ്മാന ഘടനയാണ് ഓണം ബംപറിനുള്ളത് എന്നും ഒരു ലക്ഷം പേരാണ് ലോട്ടറിയിലൂടെ ജീവിക്കുന്നത് എന്നും അദ്ദേഹം ചൂണ്ടിക്കാട്ടി. കഴിഞ്ഞയാഴ്ചയായിരുന്നു ഈ വര്ഷത്തെ സമ്മര് ബംപര് നറുക്കെടുത്തത്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google