കേരളത്തില് 16-മത്തെ കോവിഡ് മരണം; തൃശ്ശൂര് സ്വദേശിയായ 87 വയസുകാരന് മരിച്ചു
തൃശൂര്: കേരളത്തില് കോവിഡ് ബാധിച്ച് ഒരു മരണം കൂടി. തൃശൂര് എങ്ങണ്ടിയൂര് സ്വദേശിയായ കുമാര(87) നാണ് മരിച്ചത്. ഇതോടെ സംസ്ഥാനത്ത് കോവിഡ് ബാധിച്ച് മരിച്ചവരുടെ എണ്ണം 16 ആയി. ശ്വാസം മുട്ടലിനെ തുടര്ന്ന് തൃശ്ശൂരിലെ സ്വകാര്യ ആശുപത്രിയില് ചികിത്സയിലായിരുന്നു. ഇവിടെ നിന്നും തൃശ്ശൂര് മെഡിക്കല് കോളേജില് എത്തിച്ച ഉടനെയാണ് രോഗി മരിച്ചത്.ഇദ്ദേഹത്തിന് എവിടെ നിന്ന് രോഗം ബാധിച്ചതെന്ന് കണ്ടെത്താനായിട്ടില്ല. മറ്റ് ജില്ലകളിലേക്കോ സംസ്ഥാനത്തിന് പുറത്തോ ഇദ്ദേഹം യാത്ര ചെയ്തിട്ടില്ല. ഇയാളുമായി സമ്പര്ക്കം പുലര്ത്തിയ ആരോഗ്യപ്രവർത്തകര് അടക്കമുള്ളവരോട് നിരീക്ഷണത്തിൽ പോകാൻ ആരോഗ്യവകുപ്പ് നിര്ദ്ദേശിച്ചിട്ടുണ്ട്.
അതേമസമയം, സംസ്ഥാനത്ത് 107 പേര്ക്ക് വൈറസ് ബാധ സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. മലപ്പുറം ജില്ലയില് നിന്നുള്ള 27 പേര്ക്കും, തൃശൂര് ജില്ലയില് നിന്നുള്ള 26 പേര്ക്കും, പത്തനംതിട്ട ജില്ലയില് നിന്നുള്ള 13 പേര്ക്കും, കൊല്ലം ജില്ലയില് നിന്നുള്ള 9 പേര്ക്കും, ആലപ്പുഴ ജില്ലയില് നിന്നുള്ള 7 പേര്ക്കും, പാലക്കാട്, കോഴിക്കോട് ജില്ലകളില് നിന്നുള്ള 6 പേര്ക്ക് വീതവും, തിരുവനന്തപുരം ജില്ലയില് നിന്നുള്ള 4 പേര്ക്കും, കോട്ടയം , കാസര്ഗോഡ് ജില്ലകളില് നിന്നുള്ള 3 പേര്ക്ക് വീതവും, കണ്ണൂര് ജില്ലയില് നിന്നുള്ള 2 പേര്ക്കും, ഇടുക്കി ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്. ഇതില് 71 പേര് വിദേശ രാജ്യങ്ങളില് നിന്നും (യു.എ.ഇ-39, കുവൈറ്റ്-21, സൗദി അറേബ്യ-4, റഷ്യ-2, താജിക്കിസ്ഥാന്-2, ഖത്തര്-1, ഒമാന്-1, ഇറ്റലി-1) 28 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-15, തമിഴ്നാട്-7, ഡല്ഹി-4, ഗുജറാത്ത്-1, തെലുങ്കാന-1) വന്നതാണ്. സമ്പര്ക്കത്തിലൂടെ 8 പേര്ക്കാണ് രോഗം ബാധിച്ചത്. തൃശൂര് ജില്ലയിലെ 3 പേര്ക്കും മലപ്പുറം, പാലക്കാട് ജില്ലകളിലെ 2 പേര്ക്ക് വീതവും കൊല്ലം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
അതേസമയം രോഗം സ്ഥിരികരിച്ച് ചികിത്സയിലായിരുന്ന 41 പേരുടെ പരിശോധനാഫലം നെഗറ്റീവ് ആയി. തൃശൂര് ജില്ലയില് നിന്നുള്ള 14 പേരുടെയും (2 പാലക്കാട് സ്വദേശി), കാസര്ഗോഡ് ജില്ലയില് നിന്നുള്ള 6 പേരുടെയും, പാലക്കാട്, കണ്ണൂര് ജില്ലകളില് നിന്നുള്ള 5 പേരുടെ വീതവും, കൊല്ലം, ആലപ്പുഴ ജില്ലകളില് നിന്നുള്ള 3 പേരുടെ വീതവും, തിരുവനന്തപുരം, പത്തനംതിട്ട, കോട്ടയം, മലപ്പുറം , കോഴിക്കോട് (തൃശൂര് സ്വദേശി) ജില്ലകളില് നിന്നുള്ള ഓരോരുത്തരുടെ വീതവുമാണ് പരിശോധനാഫലം നെഗറ്റീവ് ആയത്. ഇതോടെ 1095 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 803 പേര് ഇതുവരെ കോവിഡില് നിന്നും മുക്തി നേടി.
Click it and Unblock the Notifications
Sign in with Google