സംസ്ഥാനത്ത് ഒരു കൊവിഡ് മരണം കൂടി; മരിച്ചത് വയനാട് സ്വദേശി

കോഴിക്കോട്; സംസ്ഥാനത്ത് ഒരു കൊവിഡ് മരണം കൂടി റിപ്പോർട്ട് ചെയ്തു.കോഴിക്കോട് മെഡിക്കല്‍ കോളേജില്‍ ചികിത്സയില്‍ കഴിഞ്ഞിരുന്ന വയനാട് സ്വദേശി ആമിന(53)യാണ് മരിച്ചത്. കാൻസർ ബാധിതയായിരുന്നു.

21 ന് ദുബൈയിൽ നിന്നും കൊച്ചി വിമാനത്താവളം വഴിയാണ് ഇവർ നാട്ടിൽ എത്തിയത്. കാൻസർ ചികിത്സയ്ക്കായിരുന്നു ഇവർ നാട്ടിലെത്തിയത്. തുടർന്ന് ആദ്യം കോഴിക്കോടുള്ള സ്വകാര്യ ആശുപത്രിയിൽ ചികിത്സ തേടി. ഇവിടെ വെച്ചാണ് കൊവിഡ് സംശയങ്ങളെ തുർന്ന് ശ്രവ പരിശോധന നടത്തിയത്. തുടർന്ന് കൊവിഡ് സ്ഥിരീകരിച്ചതോടെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു.

ഏറെ നാളായി കാൻസർ രോഗത്തിന് ചികിത്സയിലായിരുന്നു ഇവർ. വൃക്കയും കരളം തലച്ചോറും തകരാറിലായിരുന്നു. കൊവിഡ് സ്ഥിരീകരിച്ചതോടെ സ്ഥിതി വഷളായതായി. കഴിഞ്ഞ മൂന്ന് ദിവസമായി ഇവരെ വെന്റിലേറ്ററിൽ പ്രവേശിപ്പിച്ചിരിക്കുകയായിരുന്നു. അതേസമയം ഇവർക്ക് എവിടെ നിന്നാണ് രോഗം പിടിപെട്ടത് എന്നത് വ്യക്തമല്ല. ഇക്കാര്യം അന്വേഷിച്ച് വരികയാണ്. ആമിനയിൽ നിന്നും മറ്റാർക്കെങ്കിലും രോഗം പകർന്നിട്ടുണ്ടോയെന്ന കാര്യവും വ്യക്തല്ല. ആമിനയുടെ മരണത്തോടെ കൊവിഡ് ബാധിച്ച് കേരളത്തിൽ മരിച്ചവരുടെ എണ്ണം അഞ്ചായി.

English summary

one more covid death in Kerala