രാഹുലിന്റെ പണി സ്ത്രീകളെ കസ്റ്റമേഴ്‌സിനടുത്തെത്തിയ്ക്കല്‍; രശ്മിയുടെ റേറ്റ് ഉറപ്പിച്ച് പോലീസ് നീക്കം

Image Courtesy: Resmi R Nair Facebook

ഓണ്‍ലൈന്‍ പെണ്‍വാണിഭത്തിന് തന്നെയാണ് രാഹുല്‍ പശുപാലനും രശ്മിയും അടക്കമുള്ള ആറ് പേരെ പോലീസ് അറസ്റ്റ് ചെയ്തത്.

കാസര്‍കോട് സ്വദേശിയായ അബ്ദുള്‍ ഖാദര്‍ ആണ് കേസിലെ ഒന്നാം പ്രതി. ഇയാളുമായാണ് ഇടപാടുകാരെന്ന പേരില്‍ പോലീസ് ആദ്യം ബന്ധപ്പെടുന്നത്.

Image Courtesy: Resmi R Nair Facebook

അബ്ദുള്‍ ഖാദര്‍, ലിനീഷ് മാത്യു( ബെംഗളുരു ലിംഗരാജപുരം സ്വദേശിനി), രാഹുല്‍ പശുപാലന്‍, അജീഷ്, ആഷിക്, രശ്മി ആര്‍ നായര്‍ എന്നിവരെയാണ് പോലീസ് അറസ്റ്റ് ചെയ്തത്.

Image Courtesy: Resmi R Nair Facebook

രശ്മിയുടെ ഫോട്ടോയാണ് അബ്ദുള്‍ ഖാദര്‍ ഇടപാടുകാരെ(പോലീസുകാരെ) ആദ്യം കാണിച്ചത്. രശ്മിയുടെ 'റേറ്റ്' വരെ ഉറപ്പിച്ചായിരുന്നു അടുത്ത നീക്കം.

Image Courtesy: Resmi R Nair Facebook

രശ്മി മാത്രം പോര, തങ്ങള്‍ക്ക് കൂടുതല്‍ സ്ത്രീകളെ വേണം എന്നായി പോലീസിന്റെ അടുത്ത ആവശ്യം. മറ്റുള്ളവരോട് ചര്‍ച്ച ചെയ്ത് പറയാം എന്നായിരുന്നത്രെ അബ്ദുള്‍ ഖാദറിന്റെ മറുപടി.

ബെംഗളുരുവില്‍ നിന്നാണ് പ്രായപൂര്‍ത്തിയാകാത്ത രണ്ട് പെണ്‍കുട്ടികളെ കൊണ്ടുവന്നത്. വിമാനമാര്‍ഗ്ഗമായിരുന്നു ഇവരെ കൊച്ചിയില്‍ എത്തിച്ചത്. ഇവര്‍ക്കൊപ്പം വന്ന സ്ത്രീയാണ് ലിനീഷ് മാത്യു.

ബെംഗളുരുവില്‍ നിന്നെത്തിച്ച കുട്ടികള്‍ക്ക് തങ്ങളെ എന്തിനാണ് കൊണ്ടുവന്നത് എന്ന് അറിയില്ലായിരുന്നു എന്നാണ് പോലീസ് കരുതുന്നത്.

അബ്ദുള്‍ ഖാദറും രാഹുല്‍ പശുപാലനും രശ്മിയും അടക്കം അറസ്റ്റിലായ ആറ് പേരും ഒരു ഗ്യാങ്ങിന്റെ ഭാഗമാണെന്നാണ് പോലീസ് പറയുന്നത്.

കടത്തിക്കൊണ്ടുവരുന്ന പെണ്‍കുട്ടികളേയും സ്ത്രീകളേയും ഇടപാടുകാര്‍ക്ക് എത്തിച്ചുനല്‍കുകയായിരുന്നു രാഹുല്‍ പശുപാലന്റെ പണിയെന്ന് ഐജി വാര്‍ത്താ സമ്മേളനത്തില്‍ പറഞ്ഞു.

രശ്മിയേയും ബെംഗളുരുവില്‍ നിന്ന് കൊണ്ടുവന്ന രണ്ട് പെണ്‍കുട്ടികളേയും കൂടാതെ മറ്റ് രണ്ട് സ്ത്രീകളെ കൂടി അബ്ദുള്‍ ഖാദര്‍ ഒരുക്കി നിര്‍ത്തിയിരുന്നു. എന്നാല്‍ അബ്ദുള്‍ ഖാദറില്‍ നിന്ന് സിഗ്നല്‍ ലഭിയ്ക്കാത്തതിനെ തുടര്‍ന്ന് അപകടം മണത്താണ് ഇവര്‍ രക്ഷപ്പെട്ടതെന്നാണ് പോലീസ് കരുതുന്നത്.

രക്ഷപ്പെടാനുള്ള ശ്രമത്തിനിടയില്‍ ഇവര്‍ പോലീസ് ഉദ്യോഗസ്ഥരെ കാറുകൊണ്ട് ഇടിച്ച് അപായപ്പെടുത്താന്‍ ശ്രമിച്ചുവെന്നും ഐജി പറയുന്നു. ഇവരെ കണ്ടെത്താനായിട്ടില്ല.

Image Courtesy: Resmi R Nair Facebook

രാത്രി പന്ത്രണ്ടരയോട് കൂടിയാണ് ഈ സംഭവങ്ങള്‍ നടക്കുന്നത്. രശ്മിയും രാഹുലും പിടിയിലാകുമ്പോള്‍ അവരുടെ കുഞ്ഞും കൂടെ ഉണ്ടായിരുന്നു.