Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ശബരിമലയില്‍ ദര്‍ശനം നടത്തിയത് രണ്ടു യുവതികള്‍ മാത്രം; പഴയ കണക്കുകള്‍ തിരുത്തി സര്‍ക്കാര്‍
തിരുവനന്തപുരം: ശബരിമലയില്‍ സുപ്രീംകോടതി അനുമതി ലഭിച്ച ശേഷം എത്ര യുവതികള്‍ ദര്‍ശനത്തിന് എത്തി. ഇക്കാര്യത്തില്‍ സംസ്ഥാന സര്‍ക്കാരിനും കൃത്യമായ കണക്കില്ലെന്ന് വിശദീകരണങ്ങളില്‍ നിന്ന് വ്യക്തമാകുന്നു. സുപ്രീംകോടതിയെ സര്‍ക്കാര്‍ അറിയിച്ചത് 51 യുവതികള്‍ ദര്‍ശനം നടത്തി എന്നാണ്. പിന്നീട് ഇത് 17 ആയി തിരുത്തിയിരുന്നു.
ഇപ്പോള്‍ പുതിയ കണക്കാണ് പുറത്തുവിട്ടിരിക്കുന്നത്. വെറും രണ്ടു യുവതികളാണ് ദര്‍ശനം നടത്തിയതെന്ന് സര്‍ക്കാര്‍ പറയുന്നു. ശബരിമല എക്‌സിക്യുട്ടീവ് ഓഫീസറുടെ റിപ്പോര്‍ട്ട് പ്രകാരം രണ്ടു യുവതികളാണ് ദര്‍ശനം നടത്തിയതെന്ന് ദേവസ്വം മന്ത്രി കടകംപള്ളി സുരേന്ദ്രന്‍ നിയമസഭയെ അറിയിച്ചു.
ശ്രീലങ്കന്‍ യുവതി ശശികല ദര്‍ശനം നടത്തിയ കാര്യത്തില്‍ സ്ഥിരീകരണമില്ലെന്ന് മന്ത്രി വിശദീകരിച്ചു. യുവതികള്‍ക്ക് പ്രത്യേക സുരക്ഷ ഒരുക്കാന്‍ സുപ്രീംകോടതി നിര്‍ദേശിച്ചിട്ടില്ല. ആചാരങ്ങള്‍ ലംഘിക്കപ്പെട്ടാല്‍ നടയടച്ച് പരിഹാരക്രിയ ചെയ്യണമെന്ന് ദേവസ്വം മാന്വല്‍ വ്യവസ്ഥ ചെയ്യുന്നില്ല. ദേവസ്വം ഉദ്യോഗസ്ഥരാണ് ശുദ്ധിക്രിയ നടപടികള്‍ സ്വീകരിക്കേണ്ടത്. തന്ത്രി ദേവസ്വം ബോര്‍ഡ് ജീവനക്കാരന്‍ അല്ല. എങ്കിലും മാന്വല്‍ പ്രകാരം പ്രവര്‍ത്തിക്കാന്‍ ബാധ്യസ്ഥനാണമെന്നും മന്ത്രി നിയസഭയെ അറിയിച്ചു.
51 യുവതികള്‍ ശബരിമലയില്‍ ദര്‍ശനം നടത്തിയെന്നാണ് ആദ്യം സര്‍ക്കാര്‍ സുപ്രീംകോടതിയെ അറിയിച്ചത്. എന്നാല്‍ ഈ പട്ടികയിലുള്ളവരില്‍ പുരുഷന്‍മാരും 50 വയസ് കഴിഞ്ഞവരും ഉള്‍പ്പെട്ടതോടെ വിവാദമായി. തുടര്‍ന്നാണ് പരിഷ്‌കരിച്ച റിപ്പോര്‍ട്ട് സമര്‍പ്പിച്ചത്. ഇതുപ്രകാരം 17 യുവതികള്‍ കയറി എന്നാണ് പറഞ്ഞത്. ഇപ്പോള്‍ പറയുന്നത് രണ്ടു യുവതികള്‍ മാത്രമാണ് ദര്‍ശനം നടത്തിയത് എന്നാണ്.
