ടൈറ്റാനിയം കേസില്‍ ഞങ്ങള്‍ പ്രതികളല്ല: ഉമ്മന്‍ചാണ്ടി

തിരുവനന്തപുരം: ടൈറ്റാനിയം കേസില്‍ തങ്ങള്‍ പ്രതികളെല്ലെന്നും പ്രതിസ്ഥാനത്ത് കാണുന്നത് മാധ്യമങ്ങളാണെന്നും മുഖ്യമന്ത്രി ഉമ്മന്‍ ചാണ്ടി. കേസില്‍ താനും രമേശ് ചെന്നിത്തലയും, വികെ ഇബ്രാഹിം പ്രതികളല്ലെന്ന് മുഖ്യമന്ത്രി തിരുവനന്തപുരത്ത് പറഞ്ഞു.

2002 ല്‍ ടൈറ്റാനിയം ഉപയോഗിയ്ക്കുന്ന ഫാക്ടറില്‍ പൂട്ടുമെന്ന സ്ഥിതിയുണ്ടായി. അത് ഒഴിവാക്കാനാണ് മലനീകരണ സംസ്‌ക്കരണ യൂണിറ്റിന് തീരുമാനമെടുത്തത്. ഇതിന്റെ അടിസ്ഥാനത്തിലാണ് അടച്ചുപൂട്ടല്‍ ഉത്തരവ് സുപ്രീം കോടതി പിന്‍വലിച്ചതെന്നും ഉമ്മന്‍ചാണ്ടി.

ബാക്കി കാര്യങ്ങളൊക്കെ ചെയ്തത് ഇടത് സര്‍ക്കാരാണെന്നും അഴിമതിയുണ്ടായിരുന്നെങ്കില്‍ എന്തിനാണ് ഇടതു സര്‍ക്കാര്‍ തറക്കല്ലിട്ടതെന്നും ഉമ്മന്‍ ചാണ്ടി ചോദിയ്ക്കുന്നു. കേസിന് പിന്നില്‍ രാഷ്ട്രീയ ലക്ഷ്യങ്ങളാണ്, ഫാക്ടറികള്‍ പൂട്ടാതിരിയ്ക്കാന്‍ അന്നെടുത്ത നടപടികളില്‍ അഭിമാനമുണ്ടെന്നും ഉമ്മന്‍ചാണ്ടി. തൊഴിലാളികള്‍ക്ക് വേണ്ടിയാണ് താന്‍ ഇക്കാര്യങ്ങള്‍ ചെയ്തതെന്നും അവര്‍ക്ക് വേണ്ടി പ്രവര്‍ത്തിച്ചതിന് എന്ത് കേസ് വന്നാലും സങ്കടമില്ലെന്നും മുഖ്യമന്ത്രി പറഞ്ഞു.

English summary

Oommen Chandy denied corruption in Titanium Case