കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഉമ്മന്‍ ചാണ്ടിക്ക് ജയലളിതയുടെ വിധിയെന്ന് വിഎസ്

  • By Soorya Chandran
Google Oneindia Malayalam News

തിരുവനന്തപുരം: കേരള മുഖ്യമന്ത്രി ഉമ്മന്‍ ചാണ്ടിക്കും ജയലളിതയുടെ അവസ്ഥ വരുമെന്ന് പ്രതിപക്ഷ നേതാവ് വിഎസ് അച്യുതാനന്ദന്‍. ഉമ്മന്‍ ചാണ്ടി അഴിമതി കേസുകളില്‍ നിന്ന് രക്ഷപ്പെടാന്‍ കുതന്ത്രങ്ങള്‍ പയറ്റുകയാണെന്നും വിഎസ് ആരോപിച്ചു.

കോടിക്കണക്കിന് രൂപയുടെ അഴിമതികളിലാണ് ഉമ്മന്‍ ചാണ്ടി ആരോപണ വിധേയനായിട്ടുളളത്. ഇതെല്ലാം സംസ്ഥാന ഖജനാവിന് കോടികള്‍ നഷ്ടം വരുത്തിയിട്ടുള്ളവയാണ്. ഉമ്മന്‍ ചാണ്ടിക്ക് നിയമത്തിന്റെ മുന്നില്‍ കീഴടങ്ങേണ്ടി വരുമെന്നും വിഎസ് പറഞ്ഞു.

VS and Chandy

കേസുകളില്‍ ശരിയായ അന്വേഷണം നടന്നാല്‍ പ്രതിയാക്കപ്പെടുമെന്ന് ഉമ്മന്‍ ചാണ്ടിക്ക് ഉറപ്പാണെന്നും അതുകൊണ്ടാണ് പല കേസുകളിലും സിബിഐ അന്വേഷണത്തിന് തയ്യാറാകാത്തതെന്നും വിഎസ് ആരോപിക്കുന്നു.

തമിഴ്‌നാട് മുഖ്യമന്ത്രിയായിരുന്ന ജയലളിതയെ അനധികൃത സ്വത്ത് സമ്പാദന കേസില്‍ കോടതി ശിക്ഷിച്ച സാഹചര്യത്തിലാണ് വിഎസിന്റെ പ്രതികരണം. 18 വര്‍ഷം നീണ്ട നിയമ നടപടിക്കൊടുവിലാണ് ജയലളിതക്ക് ശിക്ഷ ലഭിച്ചത്.

പാമോലിന്‍ കേസ് മുതല്‍ സോളാര്‍, പ്ലസ്ടു വരെയുള്ള കേസുകളില്‍ ആരോപണ വിധേയനയാണ് ഉമ്മന്‍ ചാണ്ടി. മുന്‍ ഗണ്‍മാനായ സലീം രാജ് ഉള്‍പ്പെട്ട കേസുകളിലും ഉമ്മന്‍ ചാണ്ടിക്കെതിരെ ആരോപണങ്ങള്‍ ഉയര്‍ന്നിട്ടുണ്ട്.

സിപിഎം സംസ്ഥാന സെക്രട്ടറി പിണറായി വിജയന്‍ ലാവലിന്‍ അഴിമതി കേസില്‍ പ്രതിയായിരുന്നു. എന്നാല്‍ സിബിഐ അന്വേഷണത്തിനൊടുവില്‍ കോടതി പിണറായി വിജയനെ കുറ്റവിമുക്തനാക്കുകയായിരുന്നു.

English summary
Oommen Chandy will face the same fate of Jayalalithaa: VS Achuthanandan
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X