വേങ്ങര ഉപതിരഞ്ഞെടുപ്പ് ഭരണപക്ഷത്തിന്റെ മാത്രമല്ല, പ്രതിപക്ഷത്തിന്റെയും വിലയിരുത്തല്‍

By Gowthamy

Updated: Saturday, September 30, 2017, 15:37 [IST]

മലപ്പുറം: വേങ്ങര ഉപ തിരഞ്ഞെടുപ്പ് ഭരണ പക്ഷത്തിന്റെ മാത്രമല്ല പ്രതിപക്ഷത്തിന്റെയും വിലയിരുത്തലാകുമെന്ന് മുന്‍ മുഖ്യമന്ത്രി ഉമ്മന്‍ചാണ്ടി. തിരഞ്ഞടുപ്പുകളും ഉപ തിരഞ്ഞെടുപ്പുകളുമെല്ലാം ഭരണ പ്രതിപക്ഷങ്ങളുടെ വിലയിരുത്തലുകളായിരിക്കുമെന്ന് ഉമ്മന്‍ചാണ്ടി പറയുന്നു.

തിരഞ്ഞെടുപ്പില്‍ ഭൂരിപക്ഷം ഉയര്‍ത്തുകയാണ് ലക്ഷ്യമെന്ന് അദ്ദേഹം പറഞ്ഞു. വേങ്ങരയിലെ ജനങ്ങള്‍ യുഡിഎഫിനപ്പമാണെന്നും ഉമ്മന്‍ചാണ്ടി വ്യക്തമാക്കി.

വേങ്ങര തിരഞ്ഞെടുപ്പ് സര്‍ക്കാരിന്റെ വിലയിരുത്തലാകുമെന്ന് മന്ത്രി കെടി ജലീല്‍ കഴിഞ്ഞ ദിവസം വ്യക്തമാക്കിയിരുന്നു. ഇതിനു പിന്നാലെയാണ് തിരഞ്ഞെടുപ്പ് പ്രതിപക്ഷത്തിനും നിര്‍ണായകമാണെന്ന് ഉമ്മന്‍ചാണ്ടി പറഞ്ഞത്.

പ്രതിപക്ഷത്തിനെതിരെ സോളാര്‍ കേസ് ശക്തമായ ആയുധമാക്കിയാണ് വേങ്ങരയില്‍ ഭരണപക്ഷം പ്രചാരണം നടത്തുന്നത്. തോമസ് ചാണ്ടിക്കെതിരായ ആരോപണങ്ങളാണ് പ്രതിപക്ഷം വേങ്ങരയില്‍ ഭരണപക്ഷത്തിനെതിരെ ആയുധമാക്കിയിരിക്കുന്നത്.