വിഡി സതീശൻ യുഡിഎഫ് ചെയർമാൻ, മുന്നണി യോഗത്തിനെത്താതെ മുല്ലപ്പള്ളിയും ഷിബു ബേബി ജോണും
തിരുവനന്തപുരം: വിഡി സതീശനെ യുഡിഎഫ് ചെയര്മാനായി തിരഞ്ഞെടുത്തു. തിരുവനന്തപുരത്ത് ഇന്ന് ചേര്ന്ന മുന്നണി യോഗത്തിലാണ് പ്രതിപക്ഷ നേതാവായ വിഡി സതീശനെ യുഡിഎഫിന്റെ ചെയര്മാനായി തിരഞ്ഞെടുത്തത്. അതേസമയം മുല്ലപ്പള്ളി രാമചന്ദ്രനും ആര്എസ്പി നേതാവ് ഷിബു ബേബി ജോണും മുന്നണി യോഗത്തിന് എത്തിയില്ലെന്നത് ശ്രദ്ധേയമാണ്.
80 മെട്രിക് ടണ് ഓക്സിജനുമായി കൊച്ചിയിലെത്തിയ ഐഎന്എസ് ഷര്ദുല് കപ്പല്: ചിത്രങ്ങള് കാണാം
ഷിബു ബേബി ജോണ് മുന്നണി യോഗത്തിന് എത്താത്തതിനുളള കാരണം വ്യക്തമല്ല. അദ്ദേഹം തിരുവനന്തപുരത്ത് തന്നെ ഉണ്ടെന്നാണ് റിപ്പോര്ട്ടുകള്. യുഡിഎഫിന് കടുത്ത തിരഞ്ഞെടുപ്പ് തോല്വി ഏല്ക്കേണ്ടി വന്നതിന് പിന്നാലെ കോണ്ഗ്രസില് ഗ്രൂപ്പ് വഴക്ക് ആരംഭിച്ചതിന് എതിരെ നേരത്തെ ഷിബു ബേബി ജോണ് പരസ്യമായി രംഗത്ത് വന്നിരുന്നു.
അതേസമയം കെപിസിസി അധ്യക്ഷ സ്ഥാനം രാജി വെച്ച പശ്ചാത്തലത്തിലാണ് യുഡിഎഫ് യോഗത്തില് പങ്കെടുക്കാതിരിക്കുന്നതെന്ന് മുല്ലപ്പള്ളി രാമചന്ദ്രന് അറിയിച്ചു. അതേസമയം നിയമസഭാ തിരഞ്ഞെടുപ്പിലെ യുഡിഎഫ് തോല്വി വിലയിരുത്താന് വിശദമായ യോഗം ചേരുമെന്ന് യുഡിഎഫ് കണ്വീനര് എംഎം ഹസ്സന് അറിയിച്ചു. തോല്വി സംബന്ധിച്ച് യോഗത്തില് ശക്തമായ വിമര്ശനങ്ങള് ആണ് ഉയര്ന്നത്. രമേശ് ചെന്നിത്തലയുടെ ഐശ്വര്യ കേരള യാത്രയിലെ ആള്ക്കൂട്ടം കണ്ട് തെറ്റിദ്ധരിച്ചുവെന്നും പിണറായി സര്ക്കാര് അനുകൂല തരംഗം മുന്കൂട്ടി കാണാന് സാധിച്ചില്ലെന്നും യോഗത്തില് വിമര്ശനം ഉയര്ന്നു.
നന്ദിത ശ്വേതയുടെ പുതിയ ചിത്രങ്ങള് കാണാം
Recommended Video