കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഓര്‍ഡിനറി ബസ് ചാര്‍ജ്ജ് നിരക്കില്‍ ഇരട്ടി വര്‍ധന?

  • By Meera Balan
Google Oneindia Malayalam News

തിരുവനന്തപുരം: ഫെയര്‍ സ്റ്റേജ് നിര്‍ണയത്തിലെ അപാകത മൂലം കെഎസ്ആര്‍ടിസി ഓര്‍ഡിനറി ബസുകളുടെ ഫെയര്‍‌സ്റ്റേജില്‍ ഇരട്ടി വര്‍ധനവ്. മിനിമം യാത്ര നിരക്കില്‍ ഒരു രൂപയുടെ വര്‍ധനവാണ് പ്രഖ്യാപിച്ചിരുന്നത്. എന്നാല്‍ നിരക്ക് വര്‍ധന വരുമ്പോള്‍ ബസ് ചാര്‍ജ്ജ് ഇരട്ടിയാകാനാണ് സാധ്യത.

പുതുക്കിയ നിരക്ക് അനുസരിച്ച് ഏഴ് രൂപയാണ് മിനിമം നിരക്ക്. ആദ്യ അഞ്ചു കിലോമീറ്ററില്‍ ഇതായിരിയ്ക്കും നിരക്ക്. ഇത് കഴിഞ്ഞ് ഓരോ രണ്ടര കിലോമീറ്ററും ഒരു ഫെയര്‍ സ്റ്റേജ് ആയി കണക്കാക്കുമ്പോഴാണ് നിരക്കുകള്‍ ഇരട്ടിയാകുന്നത്. ഇപ്പോഴത്തെ നിരക്ക് അനുസരിച്ച് ആദ്യ ഫെയര്‍‌സ്റ്റേജ് കഴിഞ്ഞുള്ള യാത്ര നിരക്ക് ഒന്‍പത് രൂപയാകും. ചുരുക്കത്തില്‍ യാത്രാ നിരക്കില്‍ ഇരട്ടി വര്‍ധനവ്

KSRTC

നിലവില്‍ ആറ്, ഏഴ്, എട്ട്, ഒന്പത് എന്നിങ്ങനെയാണ് ഓര്‍ഡിനറി ബസുകളുടെ യാത്രാനിരക്ക്. മിനിമം ചാര്‍ജ്ജ് കഴിഞ്ഞുള്ള ഓരോ സ്‌റ്റേജിനൊപ്പം രണ്ടര കിലോമീറ്ററിന് പുതുക്കിയ നിരക്കായ 1.60 രൂപ കൂട്ടിയാണ് സ്റ്റേജ് കണക്കാക്കുന്നത്.

എട്ട് രൂപയോടൊപ്പം 1.60 രൂപ കൂട്ടിയാല്‍ 9.6 രൂപയാകും. ഇതിനെ 10 രൂപയായി റൗണ്ട് ഓഫ് ചെയ്യും. അതോടെ എട്ട് രൂപയുടെ സ്ഥാനത്ത് യാത്രാനിരക്ക് 10 രൂപയായി ഉയരും. ഓരോ ഫെയര്‍ സ്റ്റേജിനും ഒരു രൂപ വീതം വര്‍ധിപ്പിച്ചിരുന്നെങ്കില്‍ ബസ് ചാര്‍ജ്ജ് ഇരട്ടിയാകുന്നത് ഒഴിവാക്കാമായിരുന്നു. പുതിയ പരിഷ്‌ക്കാരം സ്വാകാര്യ ബസുകളെ സഹായിക്കാനാണെന്നാണ് ആരോപണം.

English summary
Ordinary bus charge doubled ?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X