മാണി പശു, ജോസഫ് കാള... ഇനിയേത് തൊഴുത്തിലേക്കെന്ന് പിസി ജോര്ജ്ജിന്റെ പരിഹാസം...
കോട്ടയം: യുഡിഎഫില് നിന്നുള്ള കെഎം മാണിയുടെ പിന്മാറ്റത്തെ പരിസഹിച്ച് പിസി ജോര്ജ്ജിന്റെ ഫേസ്ബുക്ക് പോസ്റ്റ്. ഒരു വര്ത്തമാന കഥ എന്ന കുറിപ്പോടെയുള്ള ജോര്ജ്ജിന്റെ പോസറ്റ് കെഎം മാണിയെയും പിജെ ജോസഫിനെയും കണക്കിന് പരിസഹിക്കുന്നതാണ്. കേരളാകോണ്ഗ്രസിന്റെ പുതിയ രാഷ്ട്രീയ ചുവടുമാറ്റത്തിലെ ഉള്ളുകള്ളികളും ഗൂഢലക്ഷ്യവും തുറന്നു കാട്ടുകയാണ് പിസി ജോര്ജ്ജ്.
സ്വന്തമായിട്ടുള്ള പുരയിടത്തില് ഒരു പുല്നാമ്പ് പോലും വളര്ത്താനുള്ള ശേഷി കെഎം മാണിക്കില്ല. ഇത്രയും നാളും കോണ്ഗ്രസിന്റെ പുരയിടത്തിലെ പുല്ല് തിന്നു. ഇനി നാല് വര്ഷത്തേക്ക് അവിടെ ഒരു തകര പോലും മുളയ്ക്കില്ലന്ന് കണ്ടതോടെയാണ് മാണി കലം മാറ്റി ചവിട്ടിയതെന്നാണ് ജോര്ജ്ജിന്റെ ആരോപണം.
വിപ്ലവ പാര്ട്ടിയും കാവിക്കൊടി പാര്ട്ടിയും മാണിയെ പ്രതീക്ഷിച്ചിരിക്കുകയാണ്. വിളിച്ചില്ലെങ്കിലും വേലിപൊളിച്ച് മാണി ചെല്ലും. കൂടെ മകന്റെ സംരക്ഷമവും നോക്കും. പിജെ ജോസഫിനെയും ജോര്ജ്ജ് കണ്കകിന് പരിഹസിക്കുന്നുണ്ട്. ഇത്രയും നാളും കൂടെ നിന്ന പാട്ടുകാരന് പിജെ ജോസഫ് കാളയാണെന്നാണ് പരിഹാസം.
സമദൂരം പറഞ്ഞ് നില്ക്കുന്ന മാണിയെ ആരെങ്കിലും ഒന്ന് വിളിച്ച് കയറ്റണം. മാണിയും അതാണ് ആഗ്രഹിക്കുന്നത്. മോനെയും പിജെ ജോസഫിനെയും ചേര്ത്ത് പിടിച്ച് പ്രത്യേക ബ്ലോക്കായി മാണി നില്ക്കുന്നത് ആ വിളി കാതോര്ത്താണെന്നും ജോര്ജ്ജ് പരിസഹിക്കുന്നു.