പി ജയരാജനെ സിബിഐ കസ്റ്റഡിയില് വിട്ടു
കണ്ണൂര്: ബിജെപി നേതാവ് മനോജ് കൊല്ലപ്പെട്ട സംഭവത്തില് സിപിഎം കണ്ണൂര് ജില്ലാ സെക്രട്ടറി പി ജയരാജനെ സിബിഐ കസ്റ്റഡിയില് വിട്ടു . മൂന്ന് ദിവസത്തെ കസ്റ്റഡിയിലേയ്ക്കാണ് വിട്ടത്. തലശ്ശേരി പ്രിന്സിപ്പല് സെഷന്സ് കോടതിയാണ് ഇതു സംബന്ധിച്ച ഉത്തരവ് പുറപ്പെടുവിച്ചത്.
ഏറെ നാടകീയമായ സംഭവങ്ങള്ക്കൊടുവിലാണ് ജയരാജനെ സിബിഐ കസ്റ്റഡിയില് വിടാന് കോടതി ഉത്തരവാകുന്നത്. മാര്ച്ച് 11 ന് റിമാന്ഡ് കാലാവധി അവസാനിയ്ക്കാനിരിയ്ക്കെയാണ് കോടതിയുടെ ഉത്തരവ് . മൂന്ന് ദിവസത്തേയ്ക്കാണ് ജയരാജനെ സിബിഐ കസ്റ്റഡിയില് വിട്ടത്. ഉപാധികളോടെയാണ് ജയരാജനെ കസ്റ്റഡിയില് വിട്ടത്.
കോഴിക്കോട് മെഡിക്കല് കൊളെജ് ആശുപത്രിയിലോ , കണ്ണൂര് സെന്ട്രല് ജയിലിലോ വച്ച് മൂന്ന് ദിവസം ജയരാജനെ ചോദ്യം ചെയ്യാനാണ് കോടതി അനുമതി നല്കിയത് . ഇപ്പോള് കോഴിക്കോട് മെഡിക്കല് കൊളെജ് ആശുപത്രിയില് ചികിത്സയിലാണ് ജയരാജന് .
ജയരാജന്റെ ആരോഗ്യനില തൃപ്തികരമാണെന്നുള്ള ആശുപത്രി അധികൃതരുടെ റിപ്പോര്ട്ട് ജയില് അധികൃതര് കോടതിയില് ഹാജരാക്കിയിരുന്നു . 9, 10, 11 തീയതികളിലാണ് ജയരാജനെ ചോദ്യം ചെയ്യാന് അനുമതി നല്കിയിരിയ്ക്കുന്നത് .
Click it and Unblock the Notifications
Sign in with Google