'ദില്ലി മുടിപ്പിച്ച അമ്മച്ചി കേരളത്തിലെത്തുന്നു'

കൊച്ചി: ഷീല ദീക്ഷിത്തിനെ പരിഹസിച്ച് നടി റിമ കല്ലിങ്കല്‍ കഴിഞ്ഞ ദിവസം ഇട്ട ഫേസ്ബുക്ക് പോസ്റ്റ് ചര്‍ച്ചയായിരുന്നു. റിമയുടെ പോസ്റ്റിനെ സപ്പോര്‍ട്ട് ചെയ്തിതാ രാജ്യസഭാ എംപി പി രാജീവും. ദില്ലിയെ മുടിപ്പിച്ച അമ്മച്ചിയെന്നാണ് രാജീവ് ഷീല ദീക്ഷിത്തിനെ വിശേഷിപ്പിച്ചത്.

ദില്ലി കൂട്ടബലാത്സംഗത്തെത്തുടര്‍ന്ന് സ്ത്രീകള്‍ വൈകിട്ട് ആറ് മണിയ്ക്ക് മുന്‍പ് തന്നെ വീട്ടില്‍ കയറണമെന്ന് അന്ന് ദില്ലി മുഖ്യമന്ത്രിയായിരുന്ന ഷീല ദീക്ഷിത് പറഞ്ഞിരുന്നു. ഇതിനെ പരിഹസിച്ചാണ് റിമ പോസ്റ്റ് ഇട്ടിരിക്കുന്നത്. കേരളത്തിലെ വനിതാ മാധ്യമപ്രവര്‍ത്തകരേ ജാഗ്രത, ഇനി ആറ് മണിയ്ക്ക് മുമ്പ് തന്നെ വീട്ടില്‍ കയറിക്കോളൂ..ഷീല വരുന്നുണ്ട് എന്നായിരുന്നു റീമയുടെ പോസ്റ്റ്.

ഇതിനെ പിന്തുണച്ചുകൊണ്ടാണ് റിമയുടെ സുഹൃത്തു കൂടെയായ പി രാജീവ് എംപിയുടെ പോസ്റ്റ്. ദില്ലിയെ മുടിപ്പിച്ച അമ്മച്ചിയെ കുറിച്ചുള്ള റിമയുടെ അഭിപ്രായം കേരളത്തിലെ പൊതു ജനാഭിപ്രായമാണെന്ന് രാജീവ് പോസ്റ്റില്‍ പറയുന്നു.

രാജീവിന്റെ പോസ്റ്റിട്ടതു മുതല്‍ ഫേസ് ബുക്ക് ലോകം അത് ആഘോഷിക്കുകയാണ്. മണിക്കൂറുകള്‍ക്കകം വന്ന കമന്റകള്‍ക്കും ലൈക്കുകള്‍ക്കും എണ്ണമില്ല. രാജീവിന്റെ ഭാഷയില്‍ മാറ്റം വന്നതില്‍ ആശ്ചര്യപ്പെടുന്നവരുമുണ്ട്. അതേ സമയം തനിക്കെതിരെ ഇത്തരത്തില്‍ ഫേസ്ബുക്ക് പോസ്റ്റ് വരുന്നതിനോട് പ്രതികരിക്കാത്ത ഷീല ദീക്ഷിത്ത് ആറ് മണിയ്ക്ക് ശേഷം പെണ്‍കുട്ടികള്‍ പുറത്തിറങ്ങരുതെന്ന് പറഞ്ഞിട്ടില്ലെന്ന് വ്യക്തമാക്കി

English summary

P Rajiv Mp supporting Rima Kallingal's facebook post against Sheila Dixit