Click it and Unblock the Notifications
Just In
Don't Miss
-
അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി -
ഫിറ്റ്നസ് നോക്കുമ്പോഴും 15 വര്ഷമായി ഹോട്ടല് ഭക്ഷണം; ശരീരം നോക്കുന്നതിനെക്കുറിച്ച് ഉണ്ണി മുകുന്ദന് -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ദാമ്പത്യത്തില് എന്നും കളിയും ചിരിയും ഉണ്ടാകാന് പങ്കാളികള് ശ്രദ്ധിക്കേണ്ട കാര്യങ്ങള് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സിക്സറടിക്കാന്‍ വന്നവര്‍ 'മെക്കയില്‍' തന്നെ ഡക്കായി; യുഡിഎഫിനെ ട്രോളി എംഎം മണി
കോട്ടയം: പാലാ ഉപതിരഞ്ഞെടുപ്പിലെ മാണി സി കാപ്പന്‍റെ അഭിമാനകരമായ വിജയത്തിന് പിന്നാലെ യുഡിഎഫിനെ ട്രോളി വൈദ്യുതി വകുപ്പ് മന്ത്രി എംഎം മണി. 'സിക്സര്‍ അടിക്കാന്‍ വന്നതാ.. യുഡിഎഫിന്‍റെ മെക്കയില്‍ തന്നെ ഡക്ക്' എന്നാണ് കെപിസിസി പ്രസിഡന്‍റ് മുല്ലപ്പള്ളി രാമചന്ദ്രന്‍റെ പ്രസ്താവനയെ ട്രോളി എംഎം മണി ഫേസ്ബുക്കില്‍ കുറിച്ചത്. ഉപതിരഞ്ഞെടുപ്പ് നടക്കാന്‍ പോവുന്ന പാലാ അടക്കമുള്ള 6 മണ്ഡലങ്ങളിലും വിജയിച്ച് യുഡിഎഫ് സിക്സര്‍ അടിക്കുമെന്ന് മുല്ലപ്പള്ളി രാമചന്ദ്രന്‍ നേരത്തെ അവകാശപ്പെട്ടിരുന്നു.
മാണി സി കാപ്പനെ വിജയപ്പിച്ച വോട്ടര്‍മാരോടുള്ള നന്ദിയും എംഎം മണി പ്രകടിപ്പിച്ചു. ' എല്‍ഡിഎഫ് ആണ് ശരി. ജനഹൃദയങ്ങളില്‍ നിന്ന് പിന്തുണ ഉറപ്പിച്ച് ഇടതുപക്ഷ സര്‍ക്കാര്‍ മുന്നോട്ട്. മാണി സി കാപ്പനെ വിജയിപ്പിച്ച എല്ലാവര്‍ക്കും നന്ദി'- എംഎ മണി ഫേസ്ബുക്കില്‍ രേഖപ്പെടത്തി.
വര്‍ഷങ്ങളായി യുഡിഎഫ് കോട്ടയായി നിലനില്‍ക്കുന്ന പാലായില്‍ 2943 വോട്ടുകള്‍ക്കാണ് മാണി സി കാപ്പന്‍ വിജയിച്ചത്. വോട്ടെണ്ണലിന്‍റെ ആദ്യ ഘട്ടത്തില്‍ നേടിയ മേധാവിത്വം അവസാനം വരെ നിലനിര്‍ത്താന്‍ അദ്ദേഹത്തിന് കഴിഞ്ഞു. മണ്ഡലത്തിലെ 10 പഞ്ചായത്തുകളിലും പാലാ നഗരസഭയിലും മാണി സി കാപ്പന്‍ ലീഡ് പിടിച്ചപ്പോള്‍ ജോസ് ടോമിന് ഒപ്പം നിന്നത് രണ്ട് പഞ്ചായത്തുകള്‍ മാത്രമാണ്.
Recommended Video
2019 ലെ ലോക്സഭാ തിരഞ്ഞെടുപ്പില്‍ വലിയ പരാജയം നേരിട്ട എല്‍ഡിഎഫിനെ സംബന്ധിച്ച് അഭിമാനകരമായ വിജയമാണ് പാലായിലേത്. ലോക്സഭാ തിരഞ്ഞെടുപ്പില്‍ 33472 വോട്ടിന്‍റെ ഭൂരിപക്ഷമായിരുന്നു പാലാ മണ്ഡലത്തില്‍ നിന്ന് യുഡിഎഫ് സ്ഥാനാര്‍ത്ഥിയായ തോമസ് ചാഴിക്കാടന് ലഭിച്ചത്. പാലായിലെ വിജയം ഓക്ടോബര്‍ 21 ന് നടക്കാനിരിക്കുന്ന 5 നിയമസഭാ മണ്ഡലങ്ങളിലെ ഉപതിര‍ഞ്ഞെടുപ്പുകള്‍ എല്‍ഡിഎഫിന് ആത്മവിശ്വാസം നല്‍കും.
