Click it and Unblock the Notifications
Just In
-
-
-
Don't Miss
-
IPL 2024: 14ന് 4, പിന്നെ അഷുതോഷ് ഷോ; മുംബൈ ജയിച്ചത് എങ്ങനെ? പിന്നില് ബുംറയുടെ തന്ത്രം -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പാലക്കാട് നഗരസഭയിലെ കോണ്‍ഗ്രസ്-സിപിഎം ബന്ധം ചെങ്ങന്നൂര്‍ ഉപതിരഞ്ഞെടുപ്പില്‍ ബിജെപി പ്രചാരണ ആയുധമാക്കും
പാലക്കാട്: പാലക്കാട് നഗരസഭയിലെ കോണ്‍ഗ്രസ്-സി.പി.എം. ബന്ധം ചെങ്ങന്നൂര്‍ ഉപതിരഞ്ഞെടുപ്പില്‍ ബി.ജെ.പി. പ്രചാരണ ആയുധമാക്കും. ബി.ജെ.പി. ഭരിക്കുന്ന പാലക്കാട് നഗരസഭയില്‍ സ്ഥിരം സമിതി അധ്യക്ഷന്‍മാര്‍ക്കെതിരേ യു.ഡി.എഫ്. ശനിയാഴ്ച കൊണ്ടുവന്ന അവിശ്വാസ പ്രമേയമാണ് പുതിയ സംഭവ വികാസം. കോണ്‍ഗ്രസ് ബന്ധം സംബന്ധിച്ച് സി.പി.എം. പൊളിറ്റ്ബ്യൂറോയുടേയും കേന്ദ്രകമ്മിറ്റിയുടെയും നയം പുറത്തുവന്ന ശേഷമുള്ള ആദ്യ ഇടപെടലാണ് പാലക്കാട്ടേത്.
52 അംഗ നഗരസഭയില്‍ ബി.ജെ.പി.ക്ക് 24-ഉം യു.ഡി.എഫിന് 18-ഉം ഇടതുപക്ഷത്തിന് ഒമ്പതും വെല്‍ഫെയര്‍പാര്‍ട്ടിക്ക് ഒന്നും അംഗങ്ങളാണുള്ളത്. നഗരസഭാ ചെയര്‍പേഴ്‌സണും വൈസ് ചെയര്‍മാനും എതിരെ അവിശ്വാസം കൊണ്ടുവരുന്നതിനുമുന്നോടിയായാണ് സ്ഥിരം സമിതി അധ്യക്ഷര്‍ക്കെതിരായ നീക്കം. എട്ട് അംഗങ്ങളുള്ള ആരോഗ്യ സ്ഥിരംസമിതിയില്‍ അധ്യക്ഷക്കെതിരായ അവിശ്വാസപ്രമേയത്തില്‍ സി.പി.എം. സ്വതന്ത്ര വോട്ട് അസാധുവാക്കിയത് സി.പി.എമ്മിന് തിരിച്ചടിയായി. ഇതോടെ പ്രമേയം പരാജയപ്പെട്ടു. എന്നാല്‍ ക്ഷേമകാര്യ സ്ഥിരം സമിതിയിലേക്കുള്ള അവിശ്വാസപ്രമേയത്തെ ഇടത് അംഗങ്ങള്‍ പിന്തുണച്ചതോടെ ഇത് പാസായി.
കോണ്‍ഗ്രസ്- സി.പി.എം. കൂട്ടുകെട്ട് ആരോപിച്ചാണ് ബി.ജെ.പി. ചെങ്ങന്നൂരില്‍ പുതിയ പ്രചാരണമുഖം തുറക്കുന്നതെന്ന് സംസ്ഥാന സെക്രട്ടറിയും പാലക്കാട് നഗരസഭാ വൈസ് ചെയര്‍മാനുമായ സി. കൃഷ്ണകുമാര്‍ വ്യക്തമാക്കി. ചെങ്ങന്നൂരില്‍ പ്രചാരണച്ചുമതലയുള്ളയാളാണ് കൃഷ്ണകുമാര്‍. സംസ്ഥാന വൈസ് പ്രസിഡന്റും പാലക്കാട് നഗരസഭാ കൗണ്‍സിലറുമായ എന്‍. ശിവരാജനും ചെങ്ങന്നൂരില്‍ പ്രചാരണച്ചുമതലയുണ്ട്. പാലക്കാട് നഗരസഭയിലെ ബി.ജെ.പി.
കൗണ്‍സിലര്‍മാര്‍ ചെങ്ങന്നൂരിലെത്തി 'അവിശുദ്ധ' കൂട്ടുകെട്ടിനെതിരേ പ്രചാരണം നടത്തുമെന്നും നേതാക്കള്‍ വ്യക്തമാക്കി. ആരോഗ്യ സ്ഥിരംസമിതി അധ്യക്ഷക്കെതിരായ അവിശ്വാസപ്രമേയത്തില്‍ സി.പി.എം. സ്വതന്ത്ര വോട്ട് അസാധുവാക്കിയത് ഇപ്പോള്‍ ചര്‍ച്ചചെയ്യാന്‍ കോണ്‍ഗ്രസ് തയ്യാറായിട്ടില്ല. എന്നാല്‍ ബി.ജെ.പി.ക്ക് ജയസാധ്യതയൊരുക്കിയെന്ന് ഒരു വിഭാഗം ആരോപിക്കുന്നുമുണ്ട്.
