പാലക്കാട് ശ്രീനിവാസൻ വധക്കേസ്: പോപ്പുലർ ഫ്രണ്ട് നേതാവ് എൻഐഎയുടെ പിടിയിൽ
പാലക്കാട്: ബി ജെ പി നേതാവ് ശ്രീനിവാസൻ വധക്കേസിൽ ഒളിവിൽ ആയിരുന്ന പോപ്പുലർ ഫ്രണ്ട് നേതാവ് എൻ ഐ എയുടെ പിടിയിൽ. മലപ്പുറം സ്വദേശി ഷെഫീഖാണ് പിടിയിലായത്. ഇതോടെ കേസിൽ 71 പേർ പിടിയിൽ ആയി. കൊലപാതകത്തിന് ശേഷം ഒളിവിലായിരുന്ന പ്രതിയെ കൊല്ലത്ത് നിന്നാണ് പിടികൂടിയത്. കേസിലെ ഒന്നാം പ്രതി കെ പി അഷറഫിനെ കൊലപാതകത്തിന് നിയോഗിച്ചത് ഷെഫീഖാണ്. പി എഫ് ഐ നേതൃത്വവുമായി ഷെഫീഖ് ഗൂഢാലോചന നടത്തിയതായും എൻ ഐ എ കണ്ടെത്തി.
2022 ഏപ്രിൽ 16 ന് ആണ് ആർ എസ് എസ് മുൻ ജില്ലാ ശാരീരിക് ശിക്ഷൺ പ്രമുഖ് ആയ എ ശ്രീനിവാസനെ കടയിൽ കയറി വെട്ടിക്കൊലപ്പെടുത്തിയത്. പോപ്പുലർ ഫ്രണ്ട് നേതാവ് എലപ്പുള്ളി കുപ്പിയോട് എ സുബൈറിനെ കൊലപ്പെടുത്തിയതിന് പ്രതികാരമായി ആണ് പിറ്റേ ദിവസം ശ്രീനിവാസനെ കൊലപ്പെടുത്തിയത് എന്നായിരുന്നു പോലീസിന്റെ കണ്ടെത്തൽ.
പാലക്കാട് ആദ്യം കൊല്ലപ്പെട്ടത് പോപ്പുലർ ഫ്രണ്ട് പ്രവർത്തകൻ സുബൈർ ആയിരുന്നു, എന്നാൽ സുബൈറിന്റെ കാെലപാതകം നടന്ന് 24 മണിക്കൂർ മുമ്പ് തന്നെ ശ്രീനിവാസനെ കൊലപ്പെടുത്തി. ആക്രമികൾ ആദ്യം ശ്രീനിവാസന്റെ കാലിലാണ് വെട്ടിയത്. പിന്നാലെ വയറിലും മറ്റുഭാഗങ്ങളിലും വെട്ടി.
Click it and Unblock the Notifications
Sign in with Google