പാമോലിന് കേസ് പിന്വലിക്കാനാവില്ലെന്ന് ഹൈക്കോടതി
കൊച്ചി: പാമോലിന് കേസ് അവസാനിപ്പിക്കണമെന്ന സംസ്ഥാന സര്ക്കാരിന്റെ ആവശ്യം ഹൈക്കോടതി തള്ളി. കേസില് വിചാരണ തുടരാനാണ് ഹൈക്കോടതി ഉത്തരവിട്ടത്. സംഭവത്തില് കോടതി സര്ക്കാരിനെ രൂക്ഷമായി വിമര്ശിച്ചു. കേസ് അവസാനിപ്പിക്കണമെന്ന സര്ക്കാര് തീരുമാനത്തെ നേരത്തെ വിജിലന്സ് കോടതിയും തള്ളിയിരുന്നു. ഇത് പുനഃപരിശോധിക്കണമെന്ന് ആവശ്യപ്പെട്ട് സര്ക്കാര് നല്കിയ ഹര്ജിയാണ് കോടതി തള്ളിയത്.
അഴിമതിക്കേസ് പിന്വലിക്കുന്നത് നിയമവിരുദ്ധമാണെന്ന് ആരോപിച്ച് പ്രതിപക്ഷ നേതാവ് വി.എസ് അച്യുതാനന്ദനും ഹൈക്കോടതിയെ സമീപിച്ചിരുന്നു. കേസ് അവസാനിപ്പിക്കുന്നതിലൂടെ പ്രതികളെ സഹായിക്കുന്ന രീതിയാകുമെന്നും കോടതി വ്യക്തമാക്കി.
കേസ് പിന്വലിക്കാനുള്ള വ്യക്തമായ കാരണങ്ങള് ഹാജരാക്കാന് സര്ക്കാരിന് ആയിട്ടില്ല. കേസില് ഉള്പ്പെട്ടവരില് ചില പ്രതികള് മരിച്ചുവെന്ന കാരണങ്ങള് കൊണ്ട് കേസ് പിന്വലിക്കാന് സാധിക്കില്ലെന്നും കോടതി ചൂണ്ടിക്കാട്ടി. കേസ് പിന്വലിക്കുന്നത് നിയമവാഴ്ചയെ അട്ടിമറിക്കുന്നതിന് തുല്യമാണെന്നും കോടതി പറഞ്ഞു. കേസില് ഉള്പ്പെട്ട ജിജി തോംസണെ ചീഫ് സെക്രട്ടറിയായി നിയമിക്കാനുള്ള നീക്കത്തിനെതിരെ വിഎസ് രംഗത്തുവന്നിരുന്നു.
വിഎസിനും വി.എസ് സുനില്കുമാറിനും ജനപക്ഷത്തുനിന്ന് പ്രശ്നത്തില് ഇടപ്പെടാമെന്നും കോടതി വ്യക്തമാക്കി. 1993ലാണ് എ ജി മലേഷ്യയില് നിന്നുള്ള പാമോലിന് ഇറക്കുമതി മൂലം സര്ക്കാരിന് നഷ്ടമുണ്ടായതെന്ന് കണ്ടെത്തിയത്. പിന്നീട് കേരള രാഷ്ട്രീയത്തില് ഇത് വന് വിവാദങ്ങള്ക്ക് വഴിയൊരുക്കുകയായിരുന്നു.