പന്നിക്കോട്ടൂര്‍ പാലം ഇന്ന് ഗതാഗതത്തിനായി തുറക്കും; ഉത്സവാന്തരീക്ഷത്തില്‍ നാട്

പേരാമ്പ്ര: മുല്ലപ്പള്ളി രാമചന്ദ്രന്‍ എംപിയുടെ ആസ്തി വികസന ഫണ്ടില്‍ നിന്നനുവദിച്ച ഒരു കോടിയില്‍പ്പരം രൂപ വകയിരുത്തി നിര്‍മ്മിച്ച ചക്കിട്ടപാറ ഗ്രാമ പഞ്ചായത്തിലെ പന്നിക്കോട്ടൂര്‍ പാലം വെള്ളിയാഴ്ച ഗതാഗതത്തിനായ് തുറന്നുകൊടുക്കും.

ചെമ്പനോട നിന്ന് വനമേഖല ഒഴിവാക്കിയും എളുപ്പത്തിലും കൂവ്വപ്പൊയിലില്‍ എത്തിച്ചേരാവുന്ന റോഡിലാണ് പുതിയ പാലം നിര്‍മ്മിച്ചത്. പാലം യാഥാര്‍ത്ഥ്യമായതോടെ ചെമ്പനോട പൂഴിത്തോട് പന്നിക്കോട്ടൂര്‍ മേഖല നിവാസികളടക്കമുള്ളവര്‍ക്കു വന്യമൃഗ ഭീഷണി കൂടാതെ രാത്രിയാത്രാ ചെയ്യാനാകും.

പന്നിക്കോട്ടൂര്‍ പാലം

മൂത്താട്ടുപുഴക്കു കുറുകെ നിര്‍മ്മിച്ച കോണ്‍ക്രീറ്റ് പാലത്തിന്റെ ഉദ്ഘാടനം ഇന്നു വൈകീട്ട് നാലരക്കു മുല്ലപ്പള്ളി രാമചന്ദ്രന്‍ എം.പി നിര്‍വ്വഹിക്കും. ഉദ്ഘാടനം ആഘോഷമാക്കി നടത്താനായി വാര്‍ഡ് മെമ്പര്‍ ദേവി വാഴയില്‍ ചെയര്‍പേഴ്‌സണും മുന്‍ പഞ്ചായത്ത് വൈസ് പ്രസിഡന്റ് കെ.എ. ജോസ് കുട്ടി ജനറല്‍ കണ്‍വീനറുമായ സ്വാഗത സംഘം പ്രവര്‍ത്തിക്കുന്നു.

English summary

Pannikottur bridge opened for transportation