Click it and Unblock the Notifications
Just In
Don't Miss
-
IPL 2024: മുംബൈ ഇനിയും തോല്ക്കും, അപ്പോഴും ഹാര്ദിക് ചിരിക്കും! വിമര്ശിച്ച് സ്റ്റെയിന് -
1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ -
ക്ഷിപ്രവേഗത്തില് കോപം: ഹനുമാനെ ആരാധിക്കുമ്പോള് ഈ തെറ്റുകള് അരുത് -
സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പന്ന്യന്‍ മുടി മുറിച്ചു;ക്യാന്‍സര്‍ രോഗികള്‍ക്കായി
തിരുവനന്തപുരം: മുടി നീട്ടി വളര്‍ത്തുന്ന ക്രിക്കറ്റ് താരങ്ങളേയും ഫുട്‌ബോള്‍ താരങ്ങളേയും സിനിമ താരങ്ങളേയും നമ്മള്‍ ഒരു പാട് കണ്ടിട്ടുണ്ട്. എന്നാല്‍ മുടി നീട്ടി വളര്‍ത്തിയ ഒരു ഇന്ത്യന്‍ രാഷ്ട്രീയക്കാരന്‍ ഒരു പക്ഷേ സിപിഐ സംസ്ഥാന സെക്രട്ടറി പന്ന്യന്‍ രവീന്ദ്രന്‍ മാത്രമായിരിക്കും.
37 വര്‍ഷമായി പന്ന്യന്‍ മുടി നീട്ടി വളര്‍ത്തുന്നു. നീളം കൂടുമ്പോള്‍ അല്‍പം കുറക്കും എന്നല്ലാതെ മുടി വെട്ടുന്ന ശീലം ഇക്കാലയളവില്‍ ഉണ്ടായിട്ടില്ല. എങ്കിലും പന്ന്യന്‍ കഴിഞ്ഞ ദിവസം തന്റെ മുടിയുടെ നീളം കുറച്ചു. സാധാരണത്തേതില്‍ നിന്ന് അല്‍പം കൂടുതലായി തന്നെ. ക്യാന്‍സര്‍ രോഗികള്‍ക്ക് നല്‍കുന്നതിനായാണ് പന്ന്യന്‍ തന്റെ മുടി മുറിച്ചത്.
കോട്ടയം എംപിയും കേരള കോണ്‍ഗ്രസ് എം ചെയര്‍മാര്‍ കെഎം മാണിയുടെ മകനുമായ ജോസ് കെ മാണിയുടെ ഭാര്യ നിഷ ജോസ് ആയിരുന്നു ഇത്തരം ഒരു പാട് സംഘടിപ്പിച്ചത്. ഹെയര്‍ ഫോര്‍ ഹോപ്പ് എന്നായിരുന്നു പരിപാടിയുടെ പേര്. തിരുവനന്തപുരം ടെക്‌നോപാര്‍ക്കിലെ ഒരു ഐടി കമ്പനിയുടെ സഹകരണത്തോടെയാണ് പരിപാടി നടത്തിയത്.
കെ എം മാണിയും ജോസ് കെ മാണിയും ഒക്കെ രാഷ്ട്രീയത്തില്‍ എതിര്‍ പക്ഷത്താണെങ്കിലും നിഷ തുടങ്ങിവച്ച പദ്ധതിക്ക് പരിപൂര്‍ണ പിന്തുണയുമായാണ് പന്ന്യന്‍ എത്തിയത്. തന്റെ മുടിദാനം മറ്റുള്ളവര്‍ക്ക് കൂടി പ്രചോദനമാകണം എന്നാണ് പന്ന്യന്‍ ആഗ്രഹിക്കുന്നത്.
വെറും ഒരു ബാര്‍ബര്‍ അല്ല കെട്ടോ സിപിഐ സംസ്ഥാന സെക്രട്ടറി സഖാവിന്റെ മുടി മുറിച്ചത്. പ്രമുഖ ഹെയര്‍ സ്റ്റൈലിസ്റ്റ് അംബിക പിള്ളയായിരുന്നു. സ്വകാര്യ ആശുപത്രിക്ക് കീഴിലുള്ള ക്യാന്‍സര്‍ യൂണിറ്റിനാണ് പന്ന്യന്റെ മുടിത്തുമ്പുകള്‍ ദാനം ചെയ്തത്.
