ഷാരോണ് വധക്കേസ്: ഗ്രീഷ്മയുടെ ഹര്ജി തള്ളി സുപ്രീംകോടതി; 'ഇടപെടുന്നത് ശരിയല്ല'
ന്യൂദല്ഹി: പാറശ്ശാല ഷാരോണ് വധക്കേസില് മുഖ്യപ്രതി ഗ്രീഷ്മയുടേയും കൂട്ടാളികളുടേയും ഹര്ജി തള്ളി സുപ്രീം കോടതി. വിചാരണ തമിഴ്നാട്ടിലേക്ക് മാറ്റണം എന്ന ആവശ്യവുമായാണ് ഗ്രീഷ്മയും കൂട്ടുപ്രതികളുമായ അമ്മയും അമ്മാവനും സുപ്രീംകോടതിയെ സമീപിച്ചത്. എന്നാല് ഈ ആവശ്യം സുപ്രീം കോടതി തള്ളുകയായിരുന്നു. ജസ്റ്റിസ് ദിപാങ്കര് ദത്തയുടെ ബെഞ്ചാണ് ഹര്ജി തള്ളിയത്.
നെയ്യാറ്റിന്കരയില് നിന്ന് നാഗര്കോവിലിലേക്ക് മാറ്റണം എന്നായിരുന്നു ഹര്ജിയില് ഗ്രീഷ്മ ആവശ്യപ്പെട്ടിരുന്നത്. കുറ്റകൃത്യം നടന്ന സ്ഥലം തമിഴ്നാട്ടിലാണ് എന്നാണ് പൊലീസ് പറയുന്നത് എന്നും അതിനാല് വിചാരണ മാറ്റണം എന്നുമായിരുന്നു ഗ്രീഷ്മയുടെ വാദം. കുറ്റപത്രം സ്വീകരിച്ചതിനെതിരെ വിചാരണ കോടതിയെ വീണ്ടും സമീപിക്കാന് ഹൈക്കോടതി പ്രതികളോട് പറഞ്ഞിരുന്നു.
ഈ സാഹചര്യത്തില് ട്രാന്സ്ഫര് ഹര്ജിയില് ഇടപെടുന്നത് ശരിയല്ല എന്ന് സുപ്രീംകോടതി പറഞ്ഞു. ഗ്രീഷ്മ ഉള്പ്പടെയുള്ള പ്രതികള്ക്ക് വേണ്ടി അഭിഭാഷകരായ ശ്രീറാം പറകാട്, സതീഷ് മോഹന് എന്നിവരാണ് ഹാജരായത്. എവിടെയാണോ കുറ്റകൃത്യം നടക്കുന്നത് ആ സ്ഥലത്തിന്റെ പരിധിയിലുള്ള കോടതിയാണ് കേസ് പരിഗണിക്കേണ്ടതെന്ന് ക്രിമിനല് നടപടി ചട്ടത്തിലെ 177-ാം വകുപ്പില് പറഞ്ഞിട്ടുണ്ട്.
ഷാരോണ് മരിച്ചത് തിരുവനന്തപുരത്തെ മെഡിക്കല് കോളേജില് ആയതുകൊണ്ട് മാത്രം കേസ് തിരുവനന്തപുരം കോടതിക്ക് പരിഗണിക്കാനാകില്ലെന്നും ഗ്രീഷ്മയുടെ അഭിഭാഷകര് ചൂണ്ടിക്കാട്ടി. കന്യാകുമാരി ജില്ലയിലെ പൂമ്പള്ളിക്കോണത്താണ് പ്രതികളുടെ വീട്. കേസിലെ നടപടികള് കേരളത്തില് നടക്കുന്നത് പ്രതികള്ക്ക് ലഭിക്കേണ്ട നീതി ഉറപ്പാക്കാന് തടസമാകും എന്നും അഭിഭാഷകര് പറഞ്ഞു.
കന്യാകുമാരിയില് നിന്ന് വിചാരണ നടപടികള്ക്കായി കേരളത്തിലേക്ക് എത്തുന്നതിന് പ്രയോഗിക ബുദ്ധിമുട്ടുകളുണ്ട് എന്ന് ഹര്ജിയില് ഗ്രീഷ്മ പറഞ്ഞിരുന്നു. എന്നാല് ഇക്കാര്യങ്ങള് വിചാരണ കോടതിയിലാണ് പറയേണ്ടത് എന്നായിരുന്നു സുപ്രീം കോടതി പറഞ്ഞത്. കാമുകനായ ഷാരോണ് രാജിനെ കഷായത്തില് വിഷം കലര്ത്തി കൊലപ്പെടുത്തി എന്നാണ് കേസ്. കഴിഞ്ഞ വര്ഷം ഒക്ടോബറിലായിരുന്നു സംഭവം.
മറ്റൊരു വിവാഹാലോചന വന്നതോടെയാണ് ഷാരോണിനെ ഒഴിവാക്കാന് ഗ്രീഷ്മ തീരുമാനിച്ചത്. നേരത്തെ ജ്യൂസില് പാരസെറ്റാമോള് കലര്ത്തി ഷാരോണിനെ ഇല്ലാതാക്കാന് ഗ്രീഷ്മ ശ്രമിച്ചിരുന്നു. എന്നാല് ഇത് ഫലം കണ്ടില്ല. ഇതോടെയാണ് കഷായത്തില് കീടനാശിനി കലര്ത്തി ഷാരോണിനെ ഇല്ലാതാക്കാന് ഗ്രീഷ്മ പദ്ധതിയിട്ടത്. സ്വന്തം വീട്ടിലേക്ക് വിളിച്ച് വരുത്തിയാണ് ഗ്രീഷ്മ ഷാരോണിനെ ഇല്ലാതാക്കിയത്.
കേസില് അധികം വൈകാതെ തന്നെ ഗ്രീഷ്മ പിടിയിലായിരുന്നു. അതിനിടെ ഗ്രീഷ്മ പൊലീസ് കസ്റ്റഡിയില് കഴിയവെ ബാത്റൂം ക്ലീനര് കഴിച്ച് ആത്മഹത്യാശ്രമം നടത്തുകയും ചെയ്തു. 11 മാസം ജയിലില് കഴിഞ്ഞതിന് ശേഷമാണ് ഗ്രീഷ്മയ്ക്ക് ജാമ്യം ലഭിച്ചത്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google