പറവൂര് പെണ്വാണിഭം: സ്പെഷ്യല് പ്രോസിക്യൂട്ടര് രാജിവച്ചു
കൊച്ചി: പറവൂര് പെണ്വാണിഭക്കേസ് സ്പെഷ്യല് പ്രോസിക്യൂട്ടര് അഡ്വ.മേഹന് മേനോന് രാജിവച്ചു. ആരോഗ്യപരമായ കാരണത്തെതുടര്ന്നാണ് രാജി. താന് രാജിവയ്ക്കുന്നതായി ക്രൈംബ്രാഞ്ച് എസ്പിക്കു നല്കിയ കത്തില് അദ്ദേഹം പറയുന്നു. പുതിയ പ്രോസിക്യൂട്ടറെ കണ്ടെത്തിയാല് മാത്രമേ ഇനി കേസ് മുന്നോട്ടു കൊണ്ടുപോകാനാവൂ.
മുമ്പ് കേസ് അട്ടിമറിക്കാന് കൈക്കൂലി ആവശ്യപ്പെട്ടതായി കണ്ടെത്തിയതിനെ തുടര്ന്ന് അസിസ്റ്റന്റ് പബ്ലിക് പ്രോസിക്യൂട്ടര് അയൂബ് ഖാനെ കേസിന്റെ ചുമയലയില് നിന്ന് ക്രൈംബ്രാഞ്ച് നീക്കിയിരുന്നു. കേസില് പ്രതി ചേര്ക്കാതിരിക്കാനായി അയൂബ് ഖാന് കൈക്കൂലി ആവിശ്യപ്പെട്ടു എന്നാണ് കണ്ടെത്തിയത്.
കേരളത്തില് കോളിളക്കം സൃഷ്ടിച്ച കേസായിരുന്നു പറവൂര് പെണ്വാണിഭകേസ്. പെണ്കുട്ടിയെ ഭീക്ഷണിപ്പെടുത്തിയും അനുജനെ അപായപ്പെടുത്തുമെന്ന് ഭീക്ഷണിമുഴക്കിയുമായിരുന്നു പീഡനം. പ്രായപൂര്ത്തി ആകാത്ത പെണ്കുട്ടിയെ പിതാവായ സുധീര് പീഡിപ്പിക്കുകയും മറ്റുള്ളവര്ക്ക് കൈമാരുകയും ചെയ്തു എന്നാണ് കേസ്.
പല പ്രമുഖരും ഉള്പ്പെട്ട കേസായിരുന്നു പറവൂര് പെണ്വാണിഭകേസ്. അതുകൊണ്ടുതന്നെ കേസ് നടത്തിക്കൊണ്ടുപോകുന്നതില് സ്പെഷ്യല് പ്രോസിക്യൂട്ടര് നന്നേ ബുദ്ധിമുട്ടിയിരുന്നു. സമ്മര്ദ്ദ ഫലമായാകാം രാജി എന്നാണ് വിലയിരുത്തല്.