നവജാത ശിശുവിനെ മാതാപിതാക്കള് വിറ്റു; ഒരു ലക്ഷം രൂപയ്ക്ക്, ദാരിദ്രം മൂലമെന്ന്, സംഭവം പാലക്കാട്
പാലക്കാട്: ദാരിദ്ര്യം മൂലം വീട്ടുകാര് കുഞ്ഞിനെ വിറ്റുവെന്ന് മാതാവ്. പാലക്കാടാണ് മനുഷ്യ മനസ്സാക്ഷിയെ ഞെട്ടിപ്പിക്കുന്ന സംഭവം. കുരിശേരി കുന്നന്പാറ കണിയാര്ശേരിയിലുള്ളവരാണ് കുഞ്ഞിനെ വിറ്റത്. ഒരു ലക്ഷം രൂപയ്ക്കാണ് പൊള്ളാച്ചിയില് കൊണ്ടുപോയി വിറ്റതെന്ന് പോലീസിന് വിവരം ലഭിച്ചു.
പ്രസവിച്ചു ദിവസങ്ങള് കഴിയുമ്പോഴാണ് കുട്ടിയെ വിറ്റത്. ദാരിദ്ര്യം മൂലമാണ് ഇങ്ങനെ ചെയ്തതെന്ന് അമ്മ പോലീസിന് മൊഴി നല്കി. ഭര്ത്താവിന്റെ അമ്മയാണ് കുഞ്ഞിനെ വില്ക്കാന് പൊള്ളാച്ചിയിലേക്ക് കൊണ്ടുപോയത്. ഒരു ലക്ഷം രൂപ കൈപ്പറ്റിയതും ഇവര്തന്നെ. ഒരു ലക്ഷം രൂപ വീട്ടില് ഏല്പ്പിച്ചുവെന്നും എത്രരൂപയ്ക്കാണ് വിറ്റതെന്ന് തനിക്ക് അറിയില്ലെന്നും കുഞ്ഞിന്റെ അമ്മ പറഞ്ഞു.
കുഞ്ഞിന്റെ അച്ഛനും മുത്തശ്ശിക്കുമെതിരേ പോലീസ് കേസെടുത്തിട്ടുണ്ട്. പെണ്കുഞ്ഞിനെയാണ് വിറ്റതെന്ന് പോലീസിന് വിവരം ലഭിച്ചു. ഇവരുടെ അഞ്ചാമത്തെ കുഞ്ഞാണിത്. എല്ലാവരും ചര്ച്ച ചെയ്ത ശേഷമാണ് കുഞ്ഞിനെ വിറ്റതെന്നും അമ്മ മൊഴി നല്കിയിട്ടുണ്ട്.
അങ്കണവാടി പ്രവര്ത്തകരാണ് പോലീസില് വിവരം അറിയിച്ചത്. കുഞ്ഞിന്റെ അച്ഛനും മുത്തശ്ശിയും ഒളിവിലാണ്. ഇവരെ ഉടന് പിടികൂടുമെന്ന് പോലീസ് അറിയിച്ചു.