Click it and Unblock the Notifications
Just In
Don't Miss
-
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
ഫിമെയിൽ ഫ്രണ്ട്സിനോട് ചെയ്യുന്നതേ ജാസ്മിനോടും ചെയ്തിട്ടുള്ളൂ! കല്യാണം കഴിക്കില്ല- ഗബ്രിയ്ക്കെതിരെ പ്രേക്ഷകർ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല -
ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പാര്‍ത്ഥസാരഥി ക്ഷേത്രം ഏറ്റെടുത്തതില്‍ പ്രതിഷേധം കത്തുന്നു! തൃശൂരില്‍ ബുധനാഴ്ച ഹര്‍ത്താല്‍
രാവിലെ ആറ് മുതല്‍ വൈകീട്ട് ആറു വരെയാണ് ഹര്‍ത്താല്‍.
Recommended Video
തൃശൂര്‍: ഗുരുവായൂര്‍ പാര്‍ത്ഥസാരഥി ക്ഷേത്രം മലബാര്‍ ദേവസ്വം ബോര്‍ഡ് ഏറ്റെടുത്തതില്‍ പ്രതിഷേധം പുകയുന്നു. ക്ഷേത്രം ഏറ്റെടുത്തത്തില്‍ പ്രതിഷേധിച്ച് ഹിന്ദു ഐക്യവേദി നവംബര്‍ എട്ട് ബുധനാഴ്ച തൃശൂര്‍ ജില്ലയില്‍ ഹര്‍ത്താല്‍ ആചരിക്കും.
രാവിലെ ആറ് മുതല്‍ വൈകീട്ട് ആറു വരെയാണ് ഹര്‍ത്താല്‍. ഹിന്ദു ഐക്യവേദിയുടെ ശക്തമായ പ്രതിഷേധത്തിനിടെ ചൊവ്വാഴ്ച രാവിലെയാണ് ഗുരുവായൂര്‍ പാര്‍ത്ഥസാരഥി ക്ഷേത്രം മലബാര്‍ ദേവസ്വം ബോര്‍ഡ് ഏറ്റെടുത്തത്. കനത്ത പോലീസ് സംരക്ഷണത്തിലാണ് ദേവസ്വം ബോര്‍ഡ് നിയമിച്ച എക്‌സിക്യൂട്ടിവ് ഓഫീസര്‍ ക്ഷേത്രത്തിലെ ചുമതലയേറ്റത്.
കോടതിയില്‍...
ക്ഷേത്ര ഭരണത്തിലെ അഴിമതി ചൂണ്ടിക്കാണിച്ചാണ് മലബാര്‍ ദേവസ്വം ബോര്‍ഡ് ഹൈക്കോടതിയെ സമീപിച്ചത്. തുടര്‍ന്ന് ക്ഷേത്രം ഏറ്റെടുക്കാമെന്ന് ഹൈക്കോടതി ഉത്തരവ് പുറപ്പെടുവിക്കുകയും ചെയ്തു. ഇതിനുപിന്നാലെയാണ് പ്രശ്‌നങ്ങള്‍ ആരംഭിച്ചത്.
പ്രതിഷേധം...
ഹൈക്കോടതി ഉത്തരവിനെ തുടര്‍ന്ന് മലബാര്‍ ദേവസ്വം ബോര്‍ഡ് അധികൃതര്‍ ക്ഷേത്രം ഏറ്റെടുക്കാന്‍ എത്തിയെങ്കിലും ഭക്തജന പ്രതിഷേധം കാരണം പിന്‍വാങ്ങേണ്ടി വന്നു. ഹിന്ദു ഐക്യവേദിയുടെ നേതൃത്വത്തിലാണ് ക്ഷേത്രം ഏറ്റെടുക്കലിനെ എതിര്‍ത്തിരുന്നത്.
നാമജപം...
സെപ്റ്റംബറില്‍ ക്ഷേത്രം ഏറ്റെടുക്കാന്‍ മലബാര്‍ ദേവസ്വം ബോര്‍ഡ് നീക്കം നടത്തിയെങ്കിലും സംഘര്‍ഷത്തില്‍ കലാശിച്ചു. ഭക്തര്‍ കൂട്ടമായി ക്ഷേത്രത്തിനുള്ളില്‍ പ്രവേശിച്ച് ഉച്ചത്തില്‍ നാമം ജപിച്ചാണ് അന്ന് ഏറ്റെടുക്കല്‍ നടപടികള്‍ തടഞ്ഞത്.
ഏറ്റെടുത്തു...
തുടര്‍ന്ന് നവംബര്‍ ഏഴ് ചൊവ്വാഴ്ചയാണ് മലബാര്‍ ദേവസ്വം ബോര്‍ഡ് ക്ഷേത്രം ഏറ്റെടുക്കാനെത്തിയത്. സംഘര്‍ഷ സാദ്ധ്യത മുന്നില്‍ക്കണ്ട് വന്‍ പോലീസ് സംരക്ഷണത്തിലാണ് ബോര്‍ഡ് അധികൃതര്‍ ക്ഷേത്രത്തിലെത്തിയത്. രാവിലെ എക്‌സിക്യൂട്ടീവ് ഓഫീസര്‍ ചുമതലയേറ്റതോടെ ഏറ്റെടുക്കല്‍ നടപടികള്‍ പൂര്‍ത്തിയായി.
ഹിന്ദു ഐക്യവേദി...
എന്നാല്‍ ക്ഷേത്രം ഏറ്റെടുത്തതിനെതിരെ പ്രതിഷേധം ശക്തമാക്കാനാണ് ഹിന്ദു സംഘടനകളുടെ തീരുമാനം. ഇതിന്റെ ഭാഗമായാണ് ബുധനാഴ്ച ഹര്‍ത്താല്‍ ആചരിക്കാന്‍ ഹിന്ദു ഐക്യവേദി ആഹ്വാനം ചെയ്തിരിക്കുന്നത്. രാവിലെ ആറ് മണി മുതല്‍ വൈകീട്ട് ആറ് മണി വരെയാണ് ഹര്‍ത്താല്‍.
