ആർത്തവം അശുദ്ധമല്ല, ശബരിമല സ്ത്രീപ്രവേശനത്തിൽ സുപ്രീംകോടതി വിധിക്കൊപ്പമെന്ന് പാർവതി

ശബരിമല: ശബരിമല സ്ത്രീ പ്രവേശന വിഷയത്തിൽ നിലപാട് വ്യക്തമാക്കി നടി പാർവതി. ആർത്തവത്തിന്റെ പേരിൽ സ്ത്രീകളെ മാറ്റിനിർത്തുന്നത് അധികകാലം തുടരാനാവില്ല. ആർത്തവം അശുദ്ധിയാണെന്ന് വിശ്വസിക്കുന്നില്ല, ഒരു ദേശിയ മാധ്യമത്തിന് നൽകിയ അഭിമുഖത്തിലാണ് പാർവതി തന്റെ നിലപാട് വ്യക്തമാക്കിയത്.

ആർത്തവം അശുദ്ധമാണോ? ആർത്തവമുള്ള സ്ത്രീ മാറ്റിനിർത്തപ്പെടേണ്ടവളാണെന്ന ചിന്ത കാലങ്ങളായി തന്നെ അസ്യസ്ഥയാക്കുകയാമെന്നും പാർവതി പറഞ്ഞു. ആർത്തവമുള്ള ദിവസങ്ങളിൽ ക്ഷേത്രത്തിൽ പോകണമെന്ന് തോന്നുകയാണെങ്കിൽ പോകുക തന്നെ ചെയ്യും. തന്റെ അഭിപ്രായത്തിന്റെ പേരിൽ താൻ ക്രൂശിക്കപ്പെട്ടേക്കാം. പക്ഷേ ശബരിമല വിഷയത്തിൽ സുപ്രീം കോടതി വിധിക്കൊപ്പമാണെന്ന് പാർവതി പറയുന്നു.

പുരുഷമേധാവിത്വം അടിച്ചേൽപ്പിച്ച ചില വ്യവസ്ഥിതികളിൽ കുടുങ്ങിക്കിടക്കുന്നവരാണ് ആർത്തവം അശുദ്ധമാണെന്ന് പ്രചരിപ്പിക്കുന്നതെന്നും പാർവതി തുറന്നടിക്കുന്നു. മലയാള സിനിമയിൽ നിലനിൽക്കുന്ന നീതി നിഷേധങ്ങളെക്കുറിച്ചും പാർവതി അഭിമുഖത്തിൽ മനസ് തുറന്നു. ഡബ്ലൂസിസി ആർക്കും എതിരല്ല, പക്ഷേ അധികാരസ്ഥാനങ്ങളിലിരിക്കുന്നവർ ഉത്തരവാദിത്തങ്ങളിൽ വീഴ്ച വരുത്തിയാൽ ചോദ്യം ചെയ്യപ്പെടുക തന്നെ ചെയ്യുമെന്ന് പാർവതി പറഞ്ഞിരുന്നു.

English summary

parvathi thiruvoth on sabarimala woman entry