പയ്യാമ്പലത്ത് ശവസംസ്കാരത്തിന് വീണ്ടും ഫീസ് ഏർപ്പെടുത്തി.: കോർപറേഷൻ ഭരണ സമിതിയിൽ അഭിപ്രായ ഭിന്നത

കണ്ണൂർ: കൊവിഡ് കാലത്ത് നിർത്തിവെച്ച പയ്യാമ്പലത്തെ ശവസംസ്കാരത്തിനുള്ള ഫീസ് വീണ്ടും ഏർപ്പെടുത്തിയതിനെതിരെ ഭരണകക്ഷിയിൽ തന്നെ എതിർപ്പ്. മേയർ ഏകപക്ഷീയമാണ് തീരുമാനമെടുത്തതെന്ന ആരോപണവുമായി ഭരണ സമിതിയിലെ മുതിർന്ന അംഗവും മുൻ' ഡെപ്യൂട്ടി മേയറുമായ കെ.കെ രാഗേഷ് രംഗത്തുവന്നു.

പിടികിട്ടാപ്പുള്ളിയെ പിടിക്കാന്‍ കല്യാണ വീട്ടിലെത്തി പേലീസ്, നടന്നത് സിനിമയെ വെല്ലുന്ന ആക്ഷന്‍

കണ്ണൂർകോ​ർ​പ​റേ​ഷ​ൻ പ​രി​ധി​യി​ലെ പ​യ്യാ​മ്പ​ലം ശാ​ന്തി​തീ​രം ശ്മ​ശാ​ന​ത്തി​ൽ മൃത​സം​സ്കാ​രത്തി​നു​ള്ള ഇളവ് കൊവിഡ് കാലത്ത് ഏർപ്പെടുത്തിയതായിരുന്നു എന്നാൽ ഇപ്പോൾനിരക്ക് വ​ർ​ധി​പ്പി​ക്കാ​നുള്ള തീരുമാനം കോർപേറേഷൻ മേയർ ഏകപക്ഷീയമായി പ്രഖ്യാപിച്ചുവെന്നാണ് വിമർശനം'

കോ​ർ​പ​റേ​ഷ​ൻ പ​രി​ധി​യി​ലു​ള്ള​വ​രി​ൽനി​ന്ന് 2000 രൂ​പ​യും പു​റ​ത്തു​ള്ള​വ​രി​ൽനി​ന്ന് 3000 രൂ​പയും ഈ​ടാ​ക്കാ​നാ​യി​രു​ന്നു തീ​രു​മാ​നം. എ​ന്നാ​ൽ യോ​ഗ​ത്തി​ൽ ഭ​ര​ണ​പ​ക്ഷ കൗ​ൺ​സി​ല​ർ​മാ​ർ ഉ​ൾപ്പെ​ടെ​യു​ള്ള​വ​രു​ടെ പ്ര​തി​ഷേ​ധ​ത്തെ തു​ട​ർ​ന്ന് പ്ര​ദേ​ശ​വാ​സി​ക​ൾക്കുള്ള നിരക്ക് 1500 രൂ​പ​യാ​ക്കി കു​റ​യ്ക്കുകയായിരുന്നു. ഇ​നിമു​ത​ൽ കോ​ർ​പ​റേ​ഷ​ൻ പ​രി​ധി​യി​ലു​ള്ള​വ​രി​ൽനി​ന്ന് 1500 രൂ​പ​യും കോ​ർ​പ​റേ​ഷ​ന് പു​റ​ത്തു​ള്ള​വ​രി​ൽനി​ന്ന് 3000 രൂ​പ ഈ​ടാ​ക്കാ​നാ​ണ് തീ​രു​മാ​നം.

കോ​ർ​പ​റേ​ഷ​ൻ പ​രി​ധി​ക്ക​ക​ത്തെ ബി​പി​എ​ൽ വി​ഭാ​ഗ​ത്തി​ൽ​പ്പെ​ട്ട​വ​ർ​ക്ക് മൃത​സം​സ്കാ​രം പൂ​ർ​ണ​മാ​യും സൗ​ജ​ന്യ​മാ​യി​രി​ക്കും. നേ​ര​ത്തെ കോ​ർ​പ​റേ​ഷ​ൻ പ​രി​ധി​യി​ലു​ള്ള​വ​ർ​ക്ക് സൗ​ജ​ന്യ​വും പു​റ​ത്തുനി​ന്നു​ള്ള​വ​ർ​ക്ക് 900 രൂ​പ​യു​മാ​ണ് ഈ​ടാ​ക്കി​യി​രു​ന്ന​ത്. ഇ​തി​ന്‍റെ അ​ടി​സ്ഥാ​ന​ത്തി​ൽ ബൈലോ അം​ഗീ​ക​രി​ക്ക​ത്ത​തി​നു മു​ന്പേ തു​ക ഈ​ടാ​ക്കു​ന്നു​വെ​ന്ന് വി​ക​സ​നകാ​ര്യ സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​ൻ പി.​കെ.​രാ​ഗേ​ഷ് ആ​രോ​പ​ണ​മു​ന്ന​യി​ച്ച​തോ​ടെ​യാ​ണ് വി​ഷ​യം ച​ർ​ച്ച​യാ​യ​ത്.

പ​യ്യ​മ്പാ​ലം ശാ​ന്തി​തീ​ര​ത്ത് മൃതസം​സ്കാ​ര​ത്തി​ന് ര​ണ്ടു ത​ര​ത്തി​ലു​ള്ള തു​ക ഈ​ടാ​ക്കു​ന്ന​ത് അ​വ​സാ​നി​പ്പി​ച്ച് എ​ല്ലാ​വ​ർ​ക്കും സൗ​ജ​ന്യ​മാ​ക്ക​ണ​മെ​ന്നും കൗ​ൺ​സി​ൽ അം​ഗീ​ക​രി​ക്കു​ന്ന​തി​നു മുൻപ്ബൈ​ലോ പ്ര​കാ​ര​മു​ള്ള തു​ക ഈ​ടാ​ക്കാ​ൻ തി​ടു​ക്കം കാ​ട്ടു​ന്ന​ത് കോ​ർ​പ​റേ​ഷ​നും മേ​യ​റും അ​റി​ഞ്ഞുകൊ​ണ്ടാ​ണോ​യെ​ന്ന് വ്യ​ക്ത​മാ​ക്ക​ണ​മെ​ന്നും രാ​ഗേ​ഷ് പ​റ​ഞ്ഞു. യു​ഡി​എ​ഫ് കൗ​ൺ​സി​ല​ർ കെ.​വി.​അ​നി​ത രാ​ഗേ​ഷി​ന് പി​ന്തു​ണ ന​ൽ​കി​യെ​ങ്കി​ലും മ​റ്റു യു​ഡി​എ​ഫ് കൗ​ൺ​സി​ല​ർ​മാ​രൊ​ന്നും തു​ക വ​ർ​ധി​പ്പി​ച്ച​തി​ൽ എ​തി​ർ​പ്പ് പ്ര​ക​ടി​പ്പി​ച്ചി​ല്ല. സൗ​ജ​ന്യനി​ര​ക്കി​ൽ മൃതസം​സ്കാ​രം ന​ട​ത്തണ​മെ​ന്ന് എ​ൽ​ഡി​എ​ഫ് കൗ​ൺ​സി​ല​ർ ടി.​ര​വീ​ന്ദ്ര​ൻ അ​ഭി​പ്രാ​യ​മു​ന്ന​യിച്ചെ​ങ്കി​ലും മ​റ്റ് എ​ൽ​ഡി​എ​ഫ് കൗ​ൺ​സി​ല​ർ​മാ​രും വി​യോ​ജി​പ്പ് പ്ര​ക​ടി​പ്പി​ച്ചി​ല്ല.

ഇ​ന്ധ​നവി​ല ദി​നം​പ്ര​തി കു​തി​ച്ചു​യ​രു​ന്ന സാ​ഹ​ച​ര്യ​ത്തി​ൽ സൗ​ജ​ന്യനി​ര​ക്കി​ലു​ള്ള മൃത​സം​സ്കാ​രം സാ​ധ്യ​മാ​കി​ല്ലെ​ന്നും ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​മെ​ന്നനി​ല​യി​ൽ പ​ദ്ധ​തി​ക​ൾ ന​ട​പ്പി​ലാ​ക്കാ​നും മ​റ്റു​മു​ള്ള കോ​ർ​പ​റേ​ഷ​ന്‍റെ ത​ന​ത് വ​രു​മാ​നം ഏ​തൊ​ക്കെ രീ​തി​യി​ലാ​ണെ​ത്തു​ന്ന​തെ​ന്ന് എ​ല്ലാ​വ​രും ചി​ന്തി​ക്ക​ണ​മെ​ന്നും മേ​യ​ർ പ​റ​ഞ്ഞു. വാ​ത​കശ്മ​ശാ​നം ഉ​പ​യോ​ഗി​ക്കാ​ൻ പ്രോ​ത്സാ​ഹി​പ്പി​ക്ക​ണ​മ​ന്നും മേ​യ​ർ നിർദേശിച്ചു. കാ​ൽ​ന​ട​യാ​ത്രി​ക​ർ​ക്കും വാ​ഹ​ന​യാ​ത്രി​ക​ർ​ക്കും യാ​ത്രാത​ട​സം സൃ​ഷ്ടി​ക്കു​ന്ന ത​ര​ത്തി​ലു​ള്ള അ​ന​ധി​കൃ​ത നി​ർ​മാ​ണ​ങ്ങ​ളും വ​ഴി​യോ​ര ക​ച്ച​വ​ട​ങ്ങ​ളും നീ​ക്കം ചെ​യ്യാ​ത്ത​തി​ൽ ഉ​ദ്യേ​ഗ​സ്ഥ അ​ലം​ഭാ​വ​മാ​ണെ​ന്ന് പൊ​തു​മ​രാ​മ​ത്ത് സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പേ​ഴ്സ​ൺ പി.​ഇ​ന്ദി​ര ആ​രോ​പി​ച്ചു. പ​രാ​തി അ​ത​ത് ഉ​ദ്യോ​ഗ​സ്ഥ​രെ അ​റി​യി​ക്കാ​റു​ണ്ടെ​ന്നും ന​ട​പ​ടി​യി​ല്ലാ​ത്തപ​ക്ഷം പ്ര​ശ്നം പ​രി​ഹ​രി​ക്കു​ന്ന​തി​ന് പ്ര​ത്യേ​ക സം​ഘ​ത്തെ നി​യ​മി​ക്കു​മെ​ന്നും മേ​യ​ർ പ​റ​ഞ്ഞു. പടന്ന പാലത്ത് പണി പൂർത്തിയായ മലിനജല ശുദ്ധീകരണ പ്ളാൻ്റ് ഉടൻ ഉദ്ഘാടനം ചെയ്യുമെന്നും ഈക്കാര്യത്തിൽ തടസമില്ലെന്നും മേയർ പറഞ്ഞു.

English summary

Payyampalam burial fee re-imposed