• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മുഖ്യനുംചെന്നിത്തലയും പിന്നില്‍നിന്ന് കുത്തിയെന്ന്

  • By Meera Balan

കോഴിക്കോട്: ലോക്‌സഭ തിരഞ്ഞെടുപ്പില്‍ ചാലക്കുടിയില്‍ തന്നെ തോല്‍പ്പിയ്ക്കാന്‍ ഉമ്മന്‍ ചാണ്ടിയും രമേശ് ചെന്നിത്തലയും ആസൂത്രിത നീക്കം നടത്തിയെന്ന് പിസി ചാക്കോ. സോണിയ ഗാന്ധിയും രാഹുല്‍ ഗാന്ധിയും തോല്‍വിയെക്കുറിച്ച് നേരിട്ട് അന്വേഷിച്ചപ്പോള്‍ ചെന്നിത്തലയോ ഉമ്മന്‍ ചാണ്ടിയോ ഫോണില്‍ പോലും വിളിച്ചില്ലെന്ന് ചെന്നിത്ത. തന്നെ പരാജയപ്പെടുത്തുന്നതിന് എഐ ഗ്രൂപ്പുകാര്‍ ഒന്നിച്ച് ശ്രമിച്ചു.

ചാലക്കുടിയില്‍ തന്നെ ബോധപൂര്‍വ പരാജയപ്പെടുത്തുകയായിരുന്നെന്നും ഉമ്മന്‍ ചാണ്ടിയും ചെന്നിത്തലയും പിന്നില്‍ നിന്ന് കുത്തിയെന്നും പിസി ചാക്കോ ആരോപിയ്ക്കുന്നു. മംഗളം പത്രത്തിന് നല്‍കിയ അഭിമുഖത്തിലാണ് പിസി ചാക്കോ നേതാക്കള്‍ക്കെതിരെ ആഞ്ഞടിച്ചത്.

എകെ ആന്റണിയെപ്പോലും നേതാക്കള്‍ തെറ്റിദ്ധരിപ്പിച്ചെന്നും പ്രചാരണ പരിപാടികള്‍ താഴേത്തട്ടിലേയ്ക്ക് എത്താതിരിയ്ക്കാന്‍ അവര്‍ ശ്രമിച്ചുവെന്നും ചാക്കോ ആരോപിയ്ക്കുന്നു. മണ്ഡലം വച്ച് മാറിയതാണ് തോല്‍വിയ്ക്ക് കാരണമെന്ന് പ്രചരിപ്പിയ്ക്കുന്നത് തന്നെ തകര്‍ക്കാന്‍ വേണ്ടിയാണെന്നും പിസി ചാക്കോ.

തോല്‍വിയുടെ പേരില്‍ തന്നെ മാറ്റി നിര്‍ത്താനാവില്ലെന്നും കേരള രാഷ്ട്രീയത്തില്‍ സജീവമാകാനാണ് തന്റെ ഉദ്ദേശമെന്നും അദ്ദേഹം വ്യക്തമാക്കി. രണ്ടു വര്‍ഷം കഴിഞ്ഞുള്ള നിയമസഭ തിരഞ്ഞെടുപ്പില്‍ മത്സരിയ്ക്കാന്‍ ആഗ്രഹമുണ്ടെന്നും തനിയ്ക്ക് ജയിക്കാന്‍ കഴിയുന്ന പന്ത്രണ്ടോളം നിയമസഭ സീറ്റുകളുണ്ടെന്നും പിസി ചാക്കോ.

English summary
PC Chacko criticized Oommen Chandy and Ramesh Chennithala
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X