ജോര്ജ്ജ് പേപിടിച്ച നായ: ആന്റോ ആന്റണി
തിരുവനന്തപുരം: സര്ക്കാര് ചീഫ് വിപ്പും കേരള കോണ്ഗ്രസ് എം നേതാവും ആയ പിസി ജോര്ജ്ജ് പേ പിടിച്ച നായയെപ്പോലെയാണെന്ന് കോണ്ഗ്രസ് നേതാവും പത്തനംതിട്ട എംപിയുമായ ആന്റോ ആന്റണി. കഴിഞ്ഞ ദിവസം തിരുവനന്തപുരത്ത് നടന്ന കെപിസിസി നിര്വ്വാഹകസമിതി യോഗത്തിലാണ് ആന്റോ ആന്റണിയുടെ വിമര്ശനം.
'വീട്ടിലേക്ക് ഓടിക്കയറിവന്ന പേ പിടിച്ച നായയെപ്പോലെ' എന്നാണ് പിസി ജോര്ജ്ജിനെപ്പറ്റി ആന്റോ ആന്റണി പറഞ്ഞത്. തന്നെ ക്വട്ടേഷന് സംഘത്തെ വിട്ട് ജോര്ജ്ജ് വധിക്കാന് ശ്രമിച്ചു എന്നും ആന്റോ ആന്റണി ആരോപിച്ചു.
പത്തനംതിട്ട ലോക്സഭ സീറ്റില് പിസി ജോര്ജ്ജിന് കണ്ണുണ്ടായിരുന്നു. അദ്ദേഹത്തിന്റെ മകന് വേണ്ടിയായിരുന്നു ആ സീറ്റ് കണ്ട് വച്ചിരുന്നത്. ഇടുക്കിയല്ല കേരള കോണ്ഗ്രസ് ആവശ്യപ്പെടുന്ന രണ്ടാമത്തെ സീറ്റ് എന്ന് ജോര്ജ്ജ് മുമ്പ് പറഞ്ഞിരുന്നത് ഇതുകൊണ്ടാണെന്നും ആന്റോ ആന്റണി ആരോപിച്ചു.
ലക്ഷ്യം ജയിക്കാതെ വന്നപ്പോള് ഏത് വിധേനയും തന്നെ തോല്പിക്കാനായി ജോര്ജ്ജിന്റെ ശ്രമം .എന്നാല് തിരഞ്ഞെടുപ്പില് താന് ജയിച്ചു. ഇതോടെ തന്നെ ഇല്ലതാക്കാന് ക്വട്ടേഷന് സംഘത്തെ നിയോഗിക്കുകയാണ് ജോര്ജ്ജ് ചെയ്തതെന്നും ആന്റോ ആന്റണി ആരോപിച്ചു.
പിസി ജോര്ജ്ജിനെ ഇത്തരത്തില് മുന്നോട്ട് പോകാന് അനുവദിക്കരുതെന്ന് ആന്റോ ആന്റണി കെപിസിസി നിര്വ്വാഹക സമിതിയോഗത്തില് ആവശ്യപ്പെട്ടു.