ജോര്ജ്ജിന് സംശയം;ലാവലിന് പണം ആവിയായിപ്പോയോ
കൊല്ലം: ലാവലിന് കേസില് സിപിഎം സംസ്ഥാന സെക്രട്ടറി പിണറായി വിജയനേയും മറ്റ് ആറ് പ്രതികളേയും കുറ്റ വിമുക്തരാക്കിയ ജഡ്ജിക്കെതിരെ സര്ക്കാര് ചീഫ് വിപ്പ് പിസി ജോര്ജ്ജ് രംഗത്ത്. തെളിവുകളില്ലാത്തതിന്റെ പേരില് പിണറായിയെ കുറ്റവിമുക്തനാക്കിയതില് ജോര്ജ്ജിന് തെല്ലും വിഷമമില്ല. കേസില് ഉദ്യോഗസ്ഥരെ കുറ്റവിമുക്തരാക്കിയതില് ആണ് പ്രതിഷേധം.
ലാവലിന്
ഇടപാടില്
374
കോടി
രൂപയുടെ
നഷ്ടമുണ്ടായിട്ടുണ്ടെന്ന്
സിഎജി
റിപ്പോര്ട്ടില്
ഉള്ളതാണ്.
അപ്പോള്
ഈ
പണം
എവിടേക്കാണ്
പോയത്.
ആവിയായി
പോയോ...?
ജോര്ജ്ജിന്റെ
സംശയം
ഇങ്ങനെയാണ്.
കെഎസ്ഇബി ചെയര്മാനും അംഗങ്ങളും അറിയാതെ ഈ തുക നഷ്ടമാകില്ലെന്നും ജോര്ജ്ജ് ഉറപ്പിച്ച് പറയുന്നുണ്ട്. അങ്ങനെയെങ്കില് നമ്മുടെ കോടതികള് എങ്ങോട്ടാണ് പോകുന്നതെന്ന് അടുത്ത ചോദ്യം. വിസ്താരമോ മറ്റ് കാര്യങ്ങളോ ഒന്നും ഇല്ലാതെയാണ് ഇപ്പോള് തിരുവനന്തപുരത്തെ സിബിഐ പ്രത്യേക കോടതി വിധി പറഞ്ഞിരിക്കുന്നതെന്നും ജോര്ജ്ജ് ആരോപിച്ചു.
ആഗോള കുത്തകകളെ മുമ്പും പിമ്പം നോക്കാതെ കേരളത്തിലേക്ക് ക്ഷണിക്കാന് മന്ത്രിമാര്ക്ക് ധൈര്യം കൊടുക്കുന്ന വിധിയാണ് കോടതിയുടേതെന്നും പിസി ജോര്ജ്ജ് ആരോപിച്ചു. ഇതിന് ജഡ്ജിക്ക് എന്ത് അധികാരമാണുള്ളത്... ആരാണ് ഇങ്ങനെ ഒരു അധികാരം നല്കിയത്... പിസി ജോര്ജ്ജ് ആഞ്ഞടിച്ചു.
സിബിഐ പ്രത്യേക കോടതി ജഡ്ജി ആര് രഘുവാണ് ലാവലിന് കേസില് പിണറായി വിജയനേയും മറ്റ് ആറ് പ്രതികളേയും കുറ്റവിമുക്തരാക്കി ഉത്തരവിട്ടത്.