കെഎംഎംഎല് അട്ടിമറിയ്ക്ക് പിന്നില് മലയാളി വ്യവസായി: പിസി ജോര്ജ്ജ്
കൊച്ചി: കെഎംഎംഎല് വാതക ചോര്ച്ചയ്ക്ക് പിന്നില് മലയാളിയായ കരിമണല് വ്യവസായിയാണെന്ന് സര്ക്കാര് ചീഫ് വിപ്പ് പിസി ജോര്ജ്ജ്. വാതക ചോര്ച്ച സംബന്ധിച്ച ദുരൂഹതകള്ക്ക് പിന്നില് 160 കോടിയുടെ അഴിമതിയുണ്ടെന്നും പിസി ജോര്ജ്ജ്. ഭരണപക്ഷത്തെ പ്രമുഖ നേതാവിനും അഴിമതിയില് പങ്കുണ്ടെന്നും ജോര്ജ്ജ്.
ഇന്ത്യാവിഷന്റെ മുഖാമുഖം പരിപാടിയില് പങ്കെടുത്ത് സംസാരിയ്ക്കവെയാണ് പിസി ജോര്ജ്ജ് ഇക്കാര്യങ്ങള് പറഞ്ഞത്. കെഎംഎംഎല് അട്ടിമറിയെപ്പറ്റി തനിയ്ക്ക് അറിയാമെന്നും ആര്ക്കൊക്കെ ഇതില് പങ്കുണ്ടെന്നും ആരൊക്കെ പണം കൈപ്പറ്റിയിട്ടുണ്ടെന്നും സംബന്ധിച്ച് തെളിവുകള് തന്റെ പക്കലുണ്ടെന്നും വൈകാതെ പുറത്തു വിടും.
അഴിമതിയ്ക്ക് പിന്നില് സിആര്എല്ലിന്റെ ഉടമസ്ഥന് കര്ത്തയാണോ എന്ന ചോദ്യത്തിന് പിസി ജോര്ജ്ജ് മറുപടി പറഞ്ഞില്ല. മാലിന്യ നീക്കവുമായി ബന്ധപ്പെട്ട അഴിമതിയാണ് അട്ടിമറിയ്ക്ക് പിന്നില്. അട്ടിമറിയ്ക്ക് കൂട്ടുനിന്ന നേതാക്കള് കേരളത്തിലുണ്ടെന്നും രാജ്യത്തെ ഒറ്റുകൊടുത്ത ഇവരുടെ വിവരങ്ങള് ഉടന് പുറത്തുവിടുമെന്നും പിസി ജോര്ജ്ജ്.