എവി ജോര്ജ്ജിന് പിസി ജോര്ജ്ജിന്റെപിന്തുണ
തിരുവനന്തപുരം: പുറത്താക്കിയ എംജി യൂണിവേഴ്സിറ്റി വൈസ് ചാന്സിലര് എവി ജോര്ജ്ജിന് പിസി ജോര്ജ്ജരിന്റെ പിന്തുണ. വൈസ് ചാന്സിലര് സ്ഥാനത്തിരിയ്ക്കാന് എവി ജോര്ജ്ജിനുള്ള യോഗ്യത മറ്റാര്ക്കാണുള്ളതെന്നും പിസി ജോര്ജ്ജ്. യോഗ്യത ഇല്ലാത്താണ് ജോര്ജ്ജിന്റെ കുറ്റമെങ്കില് മറ്റ് യോഗ്യതയില്ലാത്ത വിസിമാരെയും പുറത്താക്കണമെന്നും പിസി ജോര്ജ്ജ്.
വിസിയെ പുറത്താക്കാന് നിരത്തിയ കാരണങ്ങള് തനിയ്ക്ക് തമാശയായാണ് തോന്നിയത്. ഒരിടത്ത ജോലിചെയ്യുമ്പോള് അദ്ദേഹം വിസിയാകാനുള്ള അപേക്ഷ സമര്പ്പിച്ചു. മറ്റൊരിടത്ത് ജോലി ചെയ്യുമ്പോള് ബയോഡാറ്റയും. ഇതില് അസ്വാഭാവികമായി ഒന്നും ഇല്ലെന്നും പിസി ജോര്ജ്ജ്.
തിങ്കളാഴ്ചയാണ് നിയമനം സംബന്ധിച്ച് സമര്പ്പിച്ച ബോയഡാറ്റയില് എവി ജോര്ജ്ജ് തിരുത്തല് വരുത്തിയെന്ന് ആരോപിച്ച് കേരള ഗവര്ണര് ഷീല ദീക്ഷിത്ത് വിസിയെ പുറത്താക്കിയത്. കേരളത്തിന്റെ ചരിത്രത്തില് ആദ്യമായാണ് ഒരു വൈസ് ചാന്സലറെ പുറത്താക്കുന്നത്. 2013 ജനവരിയിലാണ് എവി ജോര്ജ്ജ് എംജി യൂണിവേഴ്സിറ്റി വൈസ് ചാന്സലറായത്.