പിസി ജോര്ജ് പൂഞ്ഞാര് വിടുന്നു; ലോക്സഭയിലേക്ക് മല്സരിച്ചേക്കും, ബിജെപിയുമായി ചര്ച്ച
കോട്ടയം: പിസി ജോര്ജ് എന്നാല് പൂഞ്ഞാര് നിയമസഭാ മണ്ഡലത്തിന്റെ മുഖമാണ്. കഴിഞ്ഞ നിയമസഭാ തിരഞ്ഞെടുപ്പില് തോറ്റെങ്കിലും പൂഞ്ഞാറില് സജീവമാണ് അദ്ദേഹം. എന്നാല് സമീപകാലത്ത് തുടര്ച്ചയായ ലഭിക്കുന്ന തിരിച്ചടികളിലൊന്നായിരുന്നു തിരഞ്ഞെടുപ്പ് തോല്വി. വര്ഗീയ പരാമര്ശങ്ങളെ ചൊല്ലിയുള്ള കേസും മറ്റുമെല്ലാം വേറെ.
ഇനിയും പൂഞ്ഞാര് മണ്ഡലത്തില് മല്സരിക്കാന് പിസി ജോര്ജ് തയ്യാറായേക്കില്ലെന്നാണ് പുതിയ വിവരം. അദ്ദേഹം പത്തനംതിട്ട ലോക്സഭാ മണ്ഡലത്തില് മല്സരിക്കാന് നീക്കം നടത്തുന്നുണ്ട്. ബിജെപിയുമായി ഇക്കാര്യം ചര്ച്ച ചെയ്തുകഴിഞ്ഞു. വിശദാംശങ്ങള് ഇങ്ങനെ...
ബിജെപിയുമായി വളരെ അടുത്താണ് പിസി ജോര്ജ് കഴിഞ്ഞ കുറച്ചുകാലമായി പ്രവര്ത്തിക്കുന്നത്. പിസി ജോര്ജിന്റെ വര്ഗീയ പരാമര്ശത്തെ തുടര്ന്ന് എറണാകുളത്ത് അറസ്റ്റിലായ വേളയില് പോലീസ് സ്റ്റേഷനില് ബിജെപിയുടെ മുതിര്ന്ന നേതാക്കള് വരെ എത്തിയിരുന്നു. മാത്രമല്ല, ബിജെപിക്ക് അനുകൂലമായി അദ്ദേഹം നിരവധി തവണ പ്രസ്താവനകള് നടത്തുകയും ചെയ്തു.
നേരത്തെ യുഡിഎഫിനും എല്ഡിഎഫിനും എസ്ഡിപിഐക്കുമൊപ്പമെല്ലാം നിലയുറപ്പിച്ച നേതാവാണ് ജനപക്ഷം ചെയര്മാന് പിസി ജോര്ജ്. ഈ മൂന്ന് വിഭാഗങ്ങളും പല ഘട്ടങ്ങളിലായി അദ്ദേഹത്തെ കൈയ്യൊഴിഞ്ഞു. തുടര്ന്നാണ് ബിജെപിയുമായി പിസി ജോര്ജ് അടുത്തത്. കേരളത്തില് തന്റെ സ്വാധീന മണ്ഡലം നഷ്ടമായതാണ് പിസി ജോര്ജിനെ മറ്റൊരു വഴിക്ക് ചിന്തിപ്പിക്കുന്നത്.
പത്തനംതിട്ട ലോക്സഭാ മണ്ഡലത്തിലാണ് പിസി ജോര്ജിന്റെ നോട്ടം. പൂഞ്ഞാറും ശബരിമലയിലുമെല്ലാം ഉള്പ്പെടുന്ന ഈ മണ്ഡലത്തില് നിന്ന് ബിജെപിയുടെ പിന്തുണയുണ്ടെങ്കില് ജയിക്കാമെന്ന് പിസി ജോര്ജ് കരുതുന്നു. തുടര്ന്നാണ് വിഷയത്തില് ചര്ച്ചകള് നടക്കുന്നത്. കത്തോലിക്കാ സഭയുടെ പിന്തുണ ഉറപ്പാക്കിയാല് പിസി ജോര്ജിന് വഴി എളുപ്പമാകും.
തിരുവല്ല, റാന്നി, കോന്നി, ആറന്മുള, അടൂര് എന്നീ നിയമസഭാ മണ്ഡലങ്ങള്ക്ക് പുറമെ, പൂഞ്ഞാര്, കാഞ്ഞിരപ്പള്ളി മണ്ഡലങ്ങള് കൂടി ഉള്പ്പെടുന്നതാണ് പത്തനംതിട്ട ലോക്സഭാ മണ്ഡലം. പൂഞ്ഞാറിലും കാഞ്ഞിരപ്പള്ളിയിലും പിസി ജോര്ജിന് വ്യക്തിപരമായി സ്വാധീനമുണ്ട്. പത്തനംതിട്ട ജില്ലയിലെ മണ്ഡലങ്ങളില് എന്ഡിഎയുടെ പിന്തുണ ലഭിച്ചാല് കാര്യങ്ങള് എളുപ്പമാകും.
കഴിഞ്ഞ ലോക്സഭാ തിരഞ്ഞെടുപ്പില് ബിജെപി സംസ്ഥാന അധ്യക്ഷന് കെ സുരേന്ദ്രനായിരുന്നു പത്തനംതിട്ടയിലെ എന്ഡിഎ സ്ഥാനാര്ഥി. ആന്റോ ആന്റണിയാണ് ഇവിടെ ജയിച്ചതെങ്കിലും സുരേന്ദ്രന്റെ സാന്നിധ്യം ശക്തമായ ത്രികോണ മല്സരത്തിന് ഇടയാക്കിയിരുന്നു. വീണാ ജോര്ജിനും പിന്നിലായി 29 ശതമാനത്തോളം വോട്ട് സുരേന്ദ്രന് അന്ന് ലഭിച്ചിരുന്നു.
ക്രൈസ്തവ വോട്ടുകള് ഉറപ്പിക്കാന് സാധിച്ചാല് പിസി ജോര്ജിന്റെ നീക്കം ഫലം കാണും. എന്നാല് കേരള കോണ്ഗ്രസിന്റെ സാന്നിധ്യം പിസി ജോര്ജിന് ഭീഷണിയാണ്. കൂടാതെ വിവാദമായി നില്ക്കുന്ന ഒട്ടേറെ വിഷയങ്ങള് മേഖലയില് ഇപ്പോള് സജീവമാണ്. ബഫര്സോണും ശബരിമലയും കെ റെയിലുമെല്ലാം ചര്ച്ചയാക്കി എടുക്കാനാണ് പിസി ജോര്ജിന്റെ നീക്കം.
ഇക്കാര്യത്തില് ബിജെപിയുടെ തീരുമാനം അനുകൂലമാക്കി എടുക്കലാണ് പിസി ജോര്ജിന്റെ ആദ്യ കടമ്പ. ബിജെപിയുമായി അദ്ദേഹം ചര്ച്ച നടത്തിയിട്ടുണ്ട്. രാഷ്ട്രീയ സാഹചര്യം അനുകൂലമാണ് എന്നാണ് പിസി ജോര്ജിന്റെ വിലയിരുത്തല്. കേന്ദ്രത്തില് ബിജെപിക്ക് തുടര് ഭരണം പ്രതീക്ഷിക്കുന്നതിനാല് പത്തനംതിട്ടയില് നിന്ന് ജയിച്ചാല് ജനപക്ഷത്തിനും ഗുണമാകുമെന്ന് പിസി ജോര്ജ് വിശ്വസിക്കുന്നു.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google