കണ്ണൂർ പാപ്പിനിശ്ശേരി ചുങ്കത്ത് കാറിടിച്ച് വഴി യാത്രക്കാരൻ മരിച്ചു

കണ്ണൂർ: ദേശീയപാതയിൽ പാപ്പിനിശ്ശേരി ചുങ്കത്ത് കാറിടിച്ച് വഴിയാത്രക്കാരൻ മരിച്ചു. പാപ്പിനിശ്ശേരി സ്വദേശി ചെറുകുന്നതിനകത്ത് നൂറുദ്ദീൻ (70) മരണപ്പെട്ടത്. ഞായറാഴ്ച രാത്രി 7:45 ഓടെ ചുങ്കം ബസ് സ്റ്റോപ്പിന് സമീപത്താണ് അപകടമുണ്ടായത്. കാഞ്ഞങ്ങാട് നിന്നും കണ്ണൂർ ഭാഗത്തേക്ക് പോകുന്ന കാർ ഇടിക്കുകയായിരുന്നു. ഇടിയുടെ ആഘാതത്തിൽ കാറിന്റെ ബോണറ്റിന് തട്ടി റോഡിലേക്ക് തെറിച്ച് വീഴുകയായിരുന്നു. ഉടൻ തന്നെ കണ്ണൂരിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പാപ്പിനിശേരി പഴയ കോട്ടൺസിനടുത്ത് കച്ചവടക്കാരനാണ് മരിച്ച നൂറുദ്ദീൻ. അടുത്ത ബന്ധുവിന്റെ വിവാഹ നിശ്ചയാ വശ്യത്തിന് പോകുന്ന വഴിയാണ് അപകടമുണ്ടായത്.

ഭാര്യ: റംല, മക്കൾ: ശരീഫ് (ഡ്രൈവർ, ഹിദായത്ത് ഇംഗ്ലീഷ്സ്കൂൾ), റഹ്മത്ത്, ആയിഷ, സുമയ്യ മരുമക്കൾ: അബൂഞ്ഞി, മുഹമ്മദ്, റിയാസ്, ആബിദ.

English summary

pedestrian died by hiting car in papiniseri kannur