ഫാസിസത്തിനെതിരെ 'ആടിയും പാടിയും' കൊച്ചിയില് മനുഷ്യസംഗമം
കൊച്ചി: വര്ഗീയ ഫാസിസ്റ്റ് ശക്തികള്ക്കെതിരെ ബഹുജന കൂട്ടായ്മ സംഘടിപ്പിക്കുന്ന മുനുഷ്യസംഗമം കൊച്ചിയില് ആരംഭിച്ചു. എറണാകുളം ടൗണ് ഹാളില് ആരംഭിച്ച സംഗമം ഡോക്ടര് പിഎം ഭാര്ഗവ ഉദ്ഘാടനം ചെയ്തു.
രാജ്യത്ത് ജനാധിപത്യം ഇല്ലാതാവുകയാണെന്നും ഹിന്ദുത്വ അജണ്ട നടപ്പാക്കാനുള്ള ശ്രമം നടക്കുകയാണെന്നും പിഎം ഭാര്ഗവ പറഞ്ഞു. സംഗമത്തില് സച്ചിതാനന്ദന്, ലീന മണിമേഘല, ആനന്ദ്, സിഅര് നീലകണ്ഠന് തുടങ്ങിയവര് പങ്കെടുക്കുന്നുണ്ട്.
മനുഷ്യസംഗമത്തിന് മുന്നോടിയായി കഴിഞ്ഞ ദിവസം കൊച്ചിയില് ഫ്രീഡം വാക്കും സംഘടിപ്പിച്ചിരുന്നു. രാജേന്ദ്ര മൈതാനത്തുനിന്നും ആരംഭിച്ച ഫ്രീഡം വാക്കില് നൂറുകണക്കിന് ആളുകളാണ് പങ്കെടുത്തത്.
കേരള ശാസ്ത്ര സാഹിത്യ പരിഷത്ത്, പുരോഗമന കലാസാഹിത്യ സംഘം തുടങ്ങിയ സംഘടനകളും പരിപാടിയില് പങ്കെടുക്കുന്നുണ്ട്. മനുഷ്യ സംഗമത്തിനോടൊപ്പം വൈകിട്ട് ചലച്ചിത്ര താരം റിമ കല്ലിങ്കലിന്റെ നേതൃത്വത്തില് 'എല്ലാവരും ആടണ്' എന്ന നൃത്ത പരിപാടിയും നടക്കും. പിന്നണി ഗായകനും സംഗീത സംവിധായകനുമായ ഷഹബാസ് അമല് അവതരിപ്പിക്കുന്ന ഗസല് സന്ധ്യയും സംഗമത്തിനോടനുബന്ധിച്ച് നടക്കും.