എല്ഡിഎഫ് അധികാരത്തിലെത്തുമെന്ന് പീപ്പിള് ടിവി പോസ്റ്റ് പോള് സര്വേ
തിരുവനന്തപുരം: നിയമസഭ തെരഞ്ഞെടുപ്പിനുശേഷം പീപ്പിള് ടിവിയും സെന്റര് ഫോര് ഇലക്ടറല് സ്റ്റഡീസും ചേര്ന്നു നടത്തിയ സര്വേയില് എല്ഡിഎഫ് വീണ്ടും അധികാരത്തിലെത്തുമെന്ന് പ്രവചനം. എല്ഡിഎഫ് 78-88 സീറ്റുകള് വരെ നേടുമെന്നാണ് സര്വേ പറയുന്നത്. യുഡിഎഫിന് 56-62 വരെ സീറ്റുകള് ലഭിച്ചേക്കും. ബിജെപി 0-3 സീറ്റുകള് നേടിയാക്കാമെന്നും സര്വേ പ്രവചിക്കുന്നു.
നേരത്തെ മറ്റു സര്വേകളില് വ്യക്തമായതുപോലെ മലബാറിലും തെക്കന് കേരളത്തിലും എല്ഡിഎഫ് മേല്ക്കെ നേടുമ്പോള് മധ്യകേരളത്തില് യുഡിഎഫ് നേരിയ മുന്തൂക്കം നേടുമെന്ന് സര്വേ പറയുന്നു. ആകെ പോള് ചെയ്ത വോട്ടിന്റെ 42.9 ശതമാനം എല്ഡിഎഫിനും 40.4 ശതമാനം യുഡിഎഫിനും ബിജെപിക്ക് 14.4ശതമാനവും മറ്റുള്ളവര്ക്ക് 2.3 ശതമാനവും വോട്ടുകള് ലഭിക്കും. നേരത്തെ പീപ്പിള് ടിവി നടത്തിയ പ്രീ പോള് സര്വേ ഫലത്തിലും എല്ഡിഎഫ് ഭരണത്തിലെത്തുമെന്നാണ് പ്രവചിച്ചത്.
ഇതുവരെ പുറത്തുവന്ന ഭൂരിപക്ഷം എക്സിറ്റ് പോള് സര്വേ ഫലങ്ങളിലും എല്ഡിഎഫ് ഭരണത്തിലെത്തുമെന്ന് സൂചിപ്പിക്കുന്നു. ഏതാണ്ട് 85 സീറ്റുകളോളം എല്ഡിഎഫ് നേടിയേക്കുമെന്നാണ് സര്വേ ഫലങ്ങള് വ്യക്തമാക്കുന്നത്.
എക്സിറ്റ് പോള് ഫലങ്ങള് എതിരായതോടെ യുഡിഎഫ് കേന്ദ്രങ്ങള് നിരാശയിലാണ്. തുടര്ഭരണമുണ്ടാകുമെന്ന് നേതാക്കള് ആവര്ത്തിച്ചു വ്യക്തമാക്കുന്നുണ്ടെങ്കിലും പലരും രഹസ്യമായി അക്കാര്യം നിഷേധിക്കുകയും ചെയ്യുന്നുണ്ട്. അതേസമയം, ബിജെപി അക്കൗണ്ട് തുറക്കുമെന്നും മിക്ക സര്വേ ഫലങ്ങളും പറയുന്നുണ്ട്.