Click it and Unblock the Notifications
Just In
Don't Miss
-
സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ -
IPL 2024: ഇന്ത്യക്ക് വേണ്ട, പക്ഷെ സഞ്ജുവിന്റെ തുറുപ്പു ചീട്ട്! തന്റെ തന്ത്രം വെളിപ്പെടുത്തി സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
മുസ്ലിം പള്ളിക്ക് നേരെ കല്ലെറിഞ്ഞ കേസില്‍ സിപിഎം നേതാവ് അറസ്റ്റില്‍; ഹര്‍ത്താലിന്റെ മറവില്‍
കോഴിക്കോട്: പേരാമ്പ്ര ടൗണിലെ മുസ്ലിം പള്ളിക്ക് നേരെ കല്ലെറിഞ്ഞ് സംഘര്‍ഷം സൃഷ്ടിക്കാന്‍ ശ്രമിച്ച കേസില്‍ സിപിഎം നേതാവ് അറസ്റ്റില്‍. സിപിഎം ബ്രാഞ്ച് സെക്രട്ടറി മാണിക്കോത്ത് അതുല്‍ ദാസ് ആണ് അറസ്റ്റിലായത്. ഇയാള്‍ക്കെതിരെ കലാപം സൃഷ്ടിക്കാനും മതസ്പര്‍ധ വളര്‍ത്താനും ശ്രമിച്ചതിന് കേസെടുത്തു. പേരാമ്പ്ര കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
ഡിവൈഎഫ്‌ഐ മേഖലാ ഭാരവാഹി കൂടിയാണ് അതുല്‍ ദാസ്. ശബരിമലയിലെ യുവതീ പ്രവേശനത്തിന്റെ പശ്ചാത്തലത്തില്‍ ശബരിമല കര്‍മസിതി ബിജെപി പിന്തുണയോടെ നടത്തിയ ഹര്‍ത്താലിനിടെയുണ്ടായ സംഘര്‍ഷത്തിന്റെ മറവിലായിരുന്നു പേരാമ്പ്രയില്‍ പള്ളിക്ക് നേരെ കല്ലേറുണ്ടായത്. ഹര്‍ത്താല്‍ ദിവസം വൈകീട്ട് ആറോടെ ആയിരുന്നു സംഭവം. അതുല്‍ ദാസിന്റെ നേതൃത്വത്തിലുള്ള സംഘമാണ് കല്ലെറിഞ്ഞതെന്ന് പോലീസ് പറയുന്നു.
പ്രതിക്കെതിരെ ക്രിമിനല്‍ നിയമം 153 എ പ്രകാരം കേസെടുത്തു. വര്‍ഗീയ കലാപമുണ്ടാക്കാനുള്ള ശ്രമത്തിന്റെ ഭാഗമായിട്ടാണ് കല്ലെറിഞ്ഞതെന്ന് പോലീസ് പറയുന്നു. മേഖലയില്‍ ഇപ്പോഴും സംഘര്‍ഷാവസ്ഥയുണ്ട്. പോലീസ് സുരക്ഷയും ശക്തിപ്പെടുത്തി. നിരോധനാജ്ഞ നിലനില്‍ക്കുന്നുണ്ടെങ്കിലും ജനങ്ങള്‍ ആശങ്കയിലാണ്.
ഹര്‍ത്താല്‍ ദിവസം യൂത്ത് കോണ്‍ഗ്രസ് പ്രവര്‍ത്തകര്‍ പ്രദേശത്ത് പ്രകടനം നടത്തിയിരുന്നു. ഇതിനെതിരെ ഡിവൈഎഫ്‌ഐയും പ്രകടനം നടത്തി. ഇരു വിഭാഗവും പേരാമ്പ്ര-വടകര റോഡില്‍ ഏറ്റുമുട്ടി. പിന്നീടാണ് പള്ളിക്ക് നേരെ ആക്രമണുണ്ടായത്. പള്ളിക്ക് നേരെയും മുസ്ലിം ലീഗ് ഓഫീസിന് നേരെയും കല്ലേറുണ്ടായിരുന്നു. സിസിടിവി പരിശോധിച്ചാണ് കല്ലെറിഞ്ഞ വ്യക്തിയെ പോലീസ് തിരിച്ചറിഞ്ഞത്.
അതേസമയം, യൂത്ത് കോണ്‍ഗ്രസുമായുള്ള സംഘര്‍ഷത്തിനിടെ ദിശതെറ്റി കല്ല് പള്ളിക്ക് കൊണ്ടതാണെന്ന് ഡിവൈഎഫ്‌ഐ പറയുന്നു. പ്രശ്‌നം വഷളാകാതിരിക്കാന്‍ സിപിഎം ജില്ലാ സെക്രട്ടറി ഉള്‍പ്പെടെയുള്ള നേതാക്കള്‍ പള്ളി സന്ദര്‍ശിച്ചിരുന്നു.
