കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ദിലീപിന്റെ മള്‍ട്ടിപ്ലക്‌സ് പുറംപോക്ക് ഭൂമിയിലോ...?

  • By Soorya Chandran
Google Oneindia Malayalam News

കൊച്ചി: ജനപ്രിയ നായകന്‍ ദിപീലിന്റെ കഷ്ടകാലം തീരുന്നില്ലേ... കഴിഞ്ഞ വര്‍ഷം ഇറങ്ങിയ ദിലീപ് സിനിമകള്‍ മിക്കവയും ജനങ്ങള്‍ തള്ളി. കൂടാതെ മഞ്ജു വാര്യരുമായുള്ള വിവാഹ ബന്ധവും പിരിഞ്ഞു. ഇപ്പോഴിതാ ദിലീപിനെ തേടി പുതിയൊരു വിവാദം.

ചാലക്കുടിയില്‍ ദിലീപിന്റെ നേതൃത്വത്തില്‍ തുടങ്ങുന്ന മള്‍ട്ടിപ്ലക്‌സ് ആണ് വിവാദത്തിലായിരിക്കുന്നത്. ഡി സിനിമാസ് എന്ന് പേരിട്ടിരിക്കുന്ന തീയേറ്റര്‍ കോംപ്ലക്‌സ് നിര്‍മിച്ചിരിക്കുന്നത് പുറംപോക്ക് ഭൂമിയിലാണെന്നാണ് ആക്ഷേപം.

Dileep

മനോരമ ഓണ്‍ലൈന്‍ ആണ് വാര്‍ത്ത പുറത്ത് കൊണ്ടുവന്നിരിക്കുന്നത്. അഭിഭാഷകനായ കെസി സന്തോഷ് ആണ് വിഷയത്തില്‍ ഹൈക്കോടതിയെ സമീപിച്ചിരിക്കുന്നതെന്ന് മനോരമ റിപ്പോര്‍ട്ട് ചെയ്യുന്നു.

കൊച്ചി രാജകുടുംബത്തിന്റെ ഉടമസ്ഥതയിലായിരുന്നു ഈ സ്ഥലം എന്നാണ് പരാതിക്കാരന്‍ പറയുന്നത്. പിന്നീടിത് മിച്ചഭൂമിയായി സര്‍ക്കാര്‍ വകയിരുത്തി. എന്നാല്‍ 2006 ല്‍ ആണ് ദിലീപ് ഇവിടെ നിന്ന് ഒരേക്കറോളം സ്ഥലം വാങ്ങിയത്. ഇതിന്റെയെല്ലാം രേഖകള്‍ തന്റെ കയ്യിലുണ്ടെന്നാണ് അഭിഭാഷകന്റെ അവകാശവാദം.

കഴിഞ്ഞ വര്‍ഷം തന്നെ ഇത് സംബന്ധിച്ച വിവാദങ്ങള്‍ തുടങ്ങിയിരുന്നു. അന്ന് സന്തോഷ് തൃശൂര്‍ ജില്ലാ കളക്ടര്‍ക്ക് വിഷയത്തില്‍ പരാതി നില്‍കിയതായും പറയുന്നുണ്ട്. എന്നാല്‍ ദിലീപ് മള്‍ട്ടിപ്ലക്‌സ് പണിത ഭൂമി പുറമ്പോക്കല്ലെന്നാണ് തൃശൂര്‍ ജില്ലാ കളക്ടര്‍ അന്ന് വ്യക്തമാക്കിയത്.

ദിലീപിന്റെ ഡി സിനമാസിന്റെ നിര്‍മാണം പൂര്‍ത്തിയായിക്കഴിഞ്ഞു. ഇപ്പോഴത്തെ പരാതിക്ക് പിന്നില്‍ മറ്റ് ചില താത്പര്യങ്ങള്‍ ഉണ്ടെന്നും ആക്ഷേപം ഉയര്‍ന്നിട്ടുണ്ട്.

English summary
Advocate files petition arguing that the Multiplex constructed by Dileep is on Government land
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X