കേരളത്തിൽ പെട്രോൾ വില കുതിച്ചുയരുന്നു; പെട്രോളിനും ഡീസലിനും ഇന്നും വിലകൂടി, ഒരുമാസത്തിനിടെ വൻ വർധന!

തിരുവനന്തപുരം: തുടർച്ചയായ ദിവസങ്ങളിൽ ഇന്ധനവില ഉയരുകയാണ്. പുതുവര്‍ഷത്തിലും പെട്രോൾ, ഡീസൽ വിലയിൽ വർധനവ്. പെട്രോൾ ലിറ്ററിന് 8 പൈസ കൂടി 78.68 രൂപയിലും ഡീസൽ ലിറ്ററിന് 12 പൈസ കൂടി 73.23 രൂപയിലുമാണ് പുതുവത്സരത്തിൽ വ്യാപാരം ആരംഭിച്ചത്. ആഗോള വിപണിയിലെ വ്യതിയാനങ്ങളാണ് ആഭ്യന്തര വിപണിയിലും പ്രതിഫലിച്ചത്.

കഴിഞ്ഞ ഒരുമാസത്തിനിടെ പെട്രോളിന് 20 പൈസയും ഡീസലിന് 2 രൂപ 25 പൈസയുമാണ് നിരക്ക് വർധിച്ചത്. ഈ വര്‍ഷത്തിലെ ആദ്യ ദിനം പെട്രോൾ, ഡീസൽ വിലയിൽ വര്‍ധനവ് ഉണ്ടായിരുന്നില്ല. കഴിഞ്ഞ മാസം ആദ്യ ദിനത്തിൽ പെട്രോളിന് 78.393 രൂപയിലും ഡീസലിന് 70.818 രൂപയിലുമായിരുന്നു വ്യാപാരം. നേരത്തെ കേന്ദ്ര സര്‍ക്കാരിന്റെ ആദ്യ ബജറ്റിൽ എക്സൈസ് നികുതിയും സെസും വര്‍ധിപ്പിച്ചതിനെ തുടര്‍ന്നാണ് ഇന്ധനവില കുത്തനെ ഉയര്‍ന്നത്.

രാജ്യതലസ്ഥാനമായ ദില്ലിയിൽ പെട്രോളിന് 75.25 രൂപയും ഡീസലിന് ‭68.1 രൂപയുമാണ്. രാജ്യവ്യാപാര തലസ്ഥാനമായ മുംബൈയിൽ പെട്രോളിന് 80.87 രൂപയും ഡീസലിന് ‭71.42 രൂപയുമാണ് വില നിലവാരം. അതേസമയം കേരളത്തിൽ തിരുവനന്തപുരത്ത് പെട്രോള്‍ ലിറ്ററിന് 78.68 രൂപയിലും ഡീസൽ ലിറ്ററിന് 73.23 രൂപയിലുമാണ് വ്യാഴാഴ്ച വ്യാപാരം നടക്കുന്നത്. കൊച്ചിയിൽ പെട്രോള്‍ ലിറ്ററിന് 77.31 രൂപയും ഡീസൽ ‭71.84 ‬രൂപയുമാണ്. കോഴിക്കോട് എത്തുമ്പോൾ പെട്രോളിന് 77.64 രൂപയും ഡീസൽ ലിറ്ററിന് ‭72.17 രൂപയിലുമാണ് വ്യാഴാഴ്ച വ്യാപാരം നടക്കുന്നത്.

English summary

Petrol-diesel price hike in Kerala