Click it and Unblock the Notifications
Just In
Don't Miss
-
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
കാത്തിരിപ്പിനൊടുവിൽ സിജോ തിരിച്ചെത്തുന്നു; വീട്ടിൽ അടിമുടി മാറ്റം; എങ്ങനെ മുന്നോട്ട് പോകുമെന്ന് പ്രേക്ഷകർ -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പെട്രോള്‍ പമ്പില്‍ തോക്ക് ചൂണ്ടി കവര്‍ച്ച അന്വേഷണം ഊര്‍ജ്ജിതം: പ്രതി ഉടന്‍ പിടിയിലായേക്കും
കോഴിക്കോട്: ചാത്തമംഗലം കെട്ടാങ്ങല്‍ പെട്രോള്‍ പമ്പില്‍ തോക്ക് ചൂണ്ടി 108000 രൂപ കവര്‍ന്ന കേസില്‍ അന്വേഷണം ഊര്‍ജ്ജിതം. പ്രതി ഉടന്‍ പിടിയിലായേക്കുമെന്ന് സൂചന. ബുധനാഴ്ച രാത്രിയാണ്‌ കട്ടാങ്ങല്‍ പഴയ ധന്യ തിയ്യേറ്ററിന് സമീപമുള്ള പെട്രോള്‍ പമ്പില്‍ മുഖമൂടി ധരിച്ചെത്തിയയാള്‍ തോക്ക് ചൂണ്ടി 108000 രൂപ കവര്‍ന്നത്.
അസി. സിറ്റി പോലീസ് കമ്മീഷണര്‍ പൃഥിരാജിന്‍റെ മേല്‍നോട്ടത്തിലാണ് അന്വേഷണം നടക്കുന്നത്. അന്യ സംസ്ഥാന തൊഴിലാളികളാണ് സംഭവത്തിന് പിന്നിലെന്ന സംശയത്തിലാണ് പോലീസ്. സമീപത്തേയും പരിസരങ്ങളിലേയും നിരവധി അന്യ സംസ്ഥാന തൊഴിലാളികളെയും സംശയമുള്ള നാട്ടുകാരേയും ചോദ്യം ചെയ്ത് വരികയാണ്‌. പെട്രോള്‍ പമ്പിലെ സിസിടിവി മിന്നലില്‍ കേടുവന്നു എന്നാണ് പമ്പ് ഉടമയുടെ മൊഴി. ഇത് പരിശോധിച്ചെങ്കിലും പോലീസിന് വിവരം ഒന്നും ലഭിച്ചിട്ടില്ല.
സമീപത്തെ സ്ഥാപനങ്ങളിലെ സിസിടിവി ദൃശ്യങ്ങള്‍ പോലീസ് ശേഖരിച്ചിട്ടുണ്ട്. ഈ ദൃശ്യങ്ങള്‍ സൈബര്‍ പോലീസ് പരിശോധിച്ച് വരികയാണ്‌. ഫോണ്‍ കോളുകളും പോലീസ് പരിശോധന നടത്തുന്നുണ്ട്. പ്രതികള്‍ വരും ദിവസം തന്നെ വലയിലകുമെന്നാണ് പോലീസ് നല്‍കുന്ന സൂചന. കുന്ദമംഗലം പോലീസാണ് സംഭവത്തില്‍ അന്വഷണം ആരംഭിച്ചിട്ടുള്ളത്. പമ്പിലേയും സമീപത്തെ കടകളിലേയും സിസിടിവി പരിശോധിച്ച് വരികയാണെന്നും സിസിടിവി വിവരങ്ങള്‍ കണ്ടെത്താന്‍ സൈബര്‍ സെല്ലിന്‍റെ സഹായം തേടിയിട്ടുണ്ടെന്നും കുന്ദമംഗലം പോലീസ് സബ് ഇന്‍സ്പെക്ടര്‍ വിശ്വനാഥന്‍ പറഞ്ഞു. സംഭവം നടക്കുമ്പോള്‍ പമ്പ് ഉടമയും ഒരു ജീവനക്കാരനുമാണ് പമ്പില്‍ ഉണ്ടായിരുന്നത്.
