നിക്ക് ഉട്ടിന്റെ കോഴിക്കോട് സന്ദർശനം ആഘോഷമാക്കി മാധ്യമപ്രവര്ത്തകരും ജനപ്രതിനിധികളും
കോഴിക്കോട്: സംസ്ഥാന സര്ക്കാറിന്റെ അതിഥിയായെത്തിയ ലോകപ്രശസ്ത യുദ്ധഫോട്ടോഗ്രാഫറും പുലിറ്റ്സര് സമ്മാന ജേതാവുമായ നിക് ഉട്ടിന് കോഴിക്കോടിന്റെ ഊഷ്മള സ്വീകരണം. നിക്ക് ഉട്ടിന്റെ വരവ് മാധ്യമപ്രവര്ത്തകരും ഫോട്ടൊഗ്രഫര്മാരും ശരിക്കുമങ്ങ് ആഘോഷിച്ചു.
ശനിയാഴ്ച രാവിലെ 5.30ന് കുറ്റിച്ചിറ മിശ്കാല് പളളിയിലെത്തിയ നിക് ഉട്ട് പടിഞ്ഞാറെ പളളി വീട്, ദേവമാതാ ചര്ച്ച്, തളിക്ഷേത്രം, കോഴിക്കോട് ബീച്ച്, ബേപ്പൂര് ഉരു നിര്മ്മാണ കേന്ദ്രം തുടങ്ങിയ സ്ഥലങ്ങളും സന്ദര്ശിച്ചു.നിക്കിനൊപ്പം ലോസ് ആഞ്ചലസ് ടൈംസ് ഫോട്ടോ എഡിറ്റര് റൗള് റോക്കും ഉണ്ടായിരുന്നു. ജില്ലാ ഭരണകൂടത്തിന്റെയും പ്രസ് ഫോട്ടോഗ്രാഫര്മാരുടെയും മാധ്യമ പ്രവര്ത്തകരുടെയും ആവേശകരമായ സ്വീകരണമാണ് ഇരുവര്ക്കും ലഭിച്ചത്.
ലളിതകലാ അക്കാദമിയില് തന്റെ വിഖ്യാതചിത്രം കാണുന്ന നിക്ക് ഉട്ട്
നിക്കിന്റെയും റോയുടെയും അപൂര്വ്വമായ ഫോട്ടോകള് ഉള്പ്പെടുത്തി ആര്ട്ട് ഗാലറിയില് ഒരുക്കിയ ചിത്രപ്രദര്ശനത്തിന്റെ ഉദ്ഘാടന വേദിയിലേക്ക് നേരത്തേ എത്തിയ ഇരുവരും കണ്ടുനിന്നവര്ക്കെല്ലാം ആവേശമായി. നിക്കിനൊപ്പം നി്ന്ന ഫോട്ടോ പകര്ത്താനും സെല്ഫിയെടുക്കാനും ഫോട്ടോഗ്രാഫര്മാരും ജനപ്രതിനിധികളും ഉദ്യോഗസ്ഥരും അടക്കമുള്ളവര് മത്സരിച്ചു. ഒട്ടും മുഷിപ്പു കാണിക്കാതെ പുഞ്ചിരി തൂകുന്ന മുഖവുമായി നിക്ക് എല്ലാവര്ക്കും പോസ് ചെയ്തു കൊടുത്തു.
നിക് ഉട്ടിനെ പ്രസ് ഫോട്ടോഗ്രഫി മേഖലയില് ആഗോള പ്രശസ്തനാക്കിയ, വിയറ്റ്നാം യുദ്ധഭീകരത വെളിച്ചത്തു കൊണ്ടുവന്ന, നാപാം ബോംബിങില് ഭയന്നുവിറച്ച് ഉടുതുണിയില്ലാതെ ഓടുന്ന ഒന്പതുകാരിയുടെ പ്രസിദ്ധമായ ചിത്രം ഉള്പ്പെടെ അമ്പതോളം നിക്ക്- റൗള് റോ ഫോട്ടോകളാണ് ആര്ട്ട് ഗാലറിയില് പ്രദര്ശിപ്പിച്ചത്. യുദ്ധങ്ങളുടെ ഭീകരത വിളിച്ചു പറയുന്ന നിരവധി അപൂര്വ്വ ചിത്രങ്ങള് പ്രദര്ശനത്തിലുണ്ടായിരുന്നു. ആഗോളതലത്തില് യുദ്ധത്തിനെതിരായ പൊതുവികാരം ഉണര്ത്തിയ നാപാം ചിത്രമാണ് 1973 ലെ പുലിറ്റ്സര് പുരസ്കാരത്തിനും വേള്ഡ് പ്രസ് ഫോട്ടോ അവാര്ഡിനും നിക് ഉട്ടിനെ അര്ഹനാക്കിയത്.
ഇന്ഫര്മേഷന്- പബ്ലിക് റിലേഷന്സ് വകുപ്പ്, കേരള മീഡിയാ അക്കാദമി, കോഴിക്കോട് കോര്പ്പറേഷന്, ജില്ലാ ടൂറിസം പ്രൊമോഷന് കൗസില്, പ്രസ് ക്ലബ് എന്നിവയുടെ സംയുക്ത ആഭിമുഖ്യത്തില് സംഘടിപ്പിച്ച ഫോട്ടോ പ്രദര്ശനം തൊഴില്- എക്സൈസ് വകുപ്പു മന്ത്രി ടി.പി രാമകൃഷ്ണന് ഉദ്ഘാടനം ചെയ്തു. നാപാം ബോംബിങിനിടെ നിക്കിന്റെ വിരല് ക്ലിക്കില് പതിഞ്ഞ ഫോട്ടോക്ക് സമീപം നില്ക്കുന്ന നിക്കിന്റെ ഫോട്ടോയെടുത്താണ് മന്ത്രി പ്രദര്ശനത്തിന്റെ ഉദ്ഘാടനം നിര്വഹിച്ചത്.
പരിപാടിയില് കേരള മീഡിയാ അക്കാദമി ചെയര്മാന് ആര്.എസ് ബാബു അധ്യക്ഷത വഹിച്ചു. പുരുഷന് കടലുണ്ടി എം.എല്.എ, ജില്ലാ കലക്ടര് യു.വി ജോസ്, ജില്ലാ ഇന്ഫര്മേഷന് ഓഫീസര് കെ.ടി ശേഖര്, ചലച്ചിത്ര സംവിധായകന് ജയരാജ്, ചേവായൂര് ക്രെസ്റ്റ് അസിസ്റ്റന്റ് ഡയറക്ടര് വിനോദ് കൃഷ്ണന്, ഫോട്ടോഗ്രാഫര്മാരായ പി. മുസ്തഫ, ജയന് തുടങ്ങിയവര് സംസാരിച്ചു. നിക് ഉട്ടും, റൗള് റോയും സ്വീകരണത്തിന് നന്ദി പറഞ്ഞു.
-
സര്വീസില് സ്ഥിരമാകും, വാഹനം വാങ്ങാനുള്ള ആഗ്രഹം സഫലമാകും, ഭൂമിയില് നിന്ന് കൂടുതല് വരുമാനം, നാൾഫലം -
സ്വർണ വില ഇന്നും താഴേക്ക്; 75,000 രൂപ വരെയെങ്കിലും പവന് വരുമോ? പഴയ സ്വർണം വിൽക്കേണ്ടവർ അറിയാൻ -
ഭക്ഷണം ശ്വാസകോശത്തിൽ കുടുങ്ങി, പിന്നാലെ കുഴഞ്ഞു വീണു; കാർത്തിക് സൂര്യയ്ക്ക് സംഭവിച്ചത് -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
''ടേബിളിലിരുന്ന പാത്രം മമ്മൂക്ക എന്റെ നേരേ നീട്ടി, വിറയാർന്ന കൈകളാൽ അത് വാങ്ങി, അത് അപൂർവ്വ സുന്ദര നിമിഷം'' -
'മൊണാലിസയെ 35 കഷണങ്ങളാക്കും'; വിവാഹത്തിൽ വിദ്വേഷ പ്രസ്താവനയുമായി സാധ്വി പ്രാചി -
അഖിൽ മാരാർ കൊട്ടാരക്കരയിലേക്കല്ല, തൃപ്പൂണിത്തുറയിൽ? അതിലും രണ്ട് അഭിപ്രായം..സാബുവിനായി ബിജെപി -
അമേരിക്കക്ക് കനത്ത തിരിച്ചടി; ഇറാഖിൽ യുഎസ് ടാങ്കർ വിമാനം തകർന്ന് വീണു -
വര്ക്ക് ഫ്രം ഹോമിലേക്ക് ഈ നഗരങ്ങള്; ബെംഗളൂരുവിലും കൊച്ചിയിലും കമ്പനികള് ജീവനക്കാര്ക്ക് നല്കിയ നിര്ദേശം -
എൽദോസ് കുന്നപ്പിള്ളി കൊച്ചിയിലേക്കോ? നേമത്ത് ശബരിനാഥന്, മണ്ഡലം പിടിക്കാൻ മത്സരിപ്പിക്കണമെന്ന് മൂന്ന് എംപിമാർ -
ഹൈദരാബാദിൽ പാചകവാതക ക്ഷാമം രൂക്ഷം; ഹോസ്റ്റലുകളിൽ നിയന്ത്രണം, വർക്ക് ഫ്രം ഹോം ആവശ്യം ശക്തമാവുന്നു
Click it and Unblock the Notifications
Sign in with Google