വീരേന്ദ്രകുമാറിനെപ്പറ്റി പിണറായി നല്ലത് പറഞ്ഞതില്‍ സന്തോഷം: ഉമ്മന്‍ചാണ്ടി

By Athul

Updated: Monday, January 4, 2016, 11:37 [IST]

കോട്ടയം: വീരേന്ദ്രകുമാറിനെപ്പറ്റി പിണറായി വിജയന്‍ നല്ലത് പറഞ്ഞതില്‍ സന്തോഷമുണ്ടെന്ന് മുഖ്യമന്ത്രി ഉമ്മന്‍ചാണ്ടി. വീരേന്ദ്രകുമാറിനെ വിമര്‍ശിച്ചിരുന്ന പിണറായി ഇപ്പോള്‍ തെറ്റ് തിരുത്തിയിരിക്കുകയാണ്. നേരത്തെ വിരേന്ദ്രകുമാറിനെതിരെ പറയാന്‍ പാടില്ലാത്ത കാര്യങ്ങളെല്ലാം പിണറായി പറഞ്ഞിരുന്നു എന്നും ഉമ്മന്‍ചാണ്ടി പറഞ്ഞു.

തിരഞ്ഞെടുപ്പിനെ നേരിടാന്‍ ആത്മവിശ്വാസക്കുറവ് കൊണ്ടാണ് യുഡിഎഫില്‍ നിന്ന് ഘടകകക്ഷികളെ ഒപ്പം കൂട്ടാന്‍ എല്‍ഡിഎഫ് ശ്രമിക്കുന്നത്. അതിലൂടെ ഇടതുപക്ഷത്തിന്റെ ബലഹീനതയെയാണ് കാണിക്കുന്നു എന്നും ഉമ്മന്‍ചാണ്ടി വ്യക്തമാക്കി.

സോണിയ ഗാന്ധിയോട് ഘടകകക്ഷികളാരും പരാതി ഉന്നയിച്ചിട്ടില്ല. എല്ലാതവണയും പാര്‍ട്ടി അധ്യക്ഷ കേരളത്തില്‍ എത്തുമ്പാള്‍ ഘടകകക്ഷി നേതാക്കളുമായി ചര്‍ച്ച നടത്താറുണ്ട്. ഇത്തവണയും അത് മാത്രമാണ് നടന്നത്. സോണിയ ഗാന്ധിയുമായി ഘടകകക്ഷി നേതാക്കള്‍ നടത്തിയ ചര്‍ച്ച യുഡിഎഫിന് ഗുണം ചെയ്യുമെന്നും അദ്ദേഹം പറഞ്ഞു.