ശത്രു രോഗമാണ്; രോഗികളല്ലെന്ന് മുഖ്യമന്ത്രി; രോഗികളെ പോലും മുന്കരുതലോട് കൂടി സംരക്ഷിക്കണം
തിരുവനന്തപുരം: കൊവിഡ് പ്രതിരോധ പ്രവര്ത്തനങ്ങളിലൂടെ കൈവരിച്ച യശസ് കളങ്കപ്പെടുത്തുന്ന കാര്യങ്ങളാണ് അടുത്തിടെയുണ്ടാവുന്നതെന്ന് മുഖ്യമന്ത്രി പിണറായി വിജയന്. രോഗങ്ങളാണ് ശത്രു രോഗികളല്ല, ഇത് മറക്കരുതെന്നും മുഖ്യമന്ത്രി പിണറായി വിജയന് പറഞ്ഞു.
അന്യദേശങ്ങളില് നിന്നും കഷ്ടപ്പാടുകള് താണ്ടിയെത്തിയ ചിലര്ക്ക് ദുരനുഭവങ്ങള് നേരിടേണ്ടി വരുന്നു. ഒത്തൊരുമിച്ചുള്ള പ്രവര്ത്തനത്തിലൂടെയാണ് നമുക്ക് ഇതുവരേയും മഹാമാരിയെ പിടിച്ചു നിര്ത്താന് കഴിഞ്ഞത്.
Recommended Video
ക്വാറന്റീനില് കഴിഞ്ഞ് വരുന്നവരുടെ വീട് ആക്രമിക്കുക, ബന്ധുക്കളെ ഒറ്റപ്പെടുത്തുക, ഊര് വിലക്ക് മാതൃകയില് അകറ്റി നിര്ത്തുക, ചികിത്സ കഴിഞ്ഞവര്ക്ക് വീട്ടില് പ്രവേശനം നിഷേധിക്കുക, തുടങ്ങിയ സംഭവങ്ങള് ചൂണ്ടികാട്ടിയായിരുന്നു മുഖ്യമന്ത്രിയുടെ പരാമര്ശം.
കോട്ടയത്ത് ബംഗാളൂരുവില് നിന്നും എത്തി ക്വാറന്റീന് പൂര്ത്തിയാക്കിയ യുവതിയു മക്കളും എട്ട് മണിക്കൂറോളം വീട്ടില് കയറാതെ പുറത്താക്കേണ്ടി വന്നു. സ്വന്തം വീട്ടുകാരും ഭര്ത്യവീട്ടുകാരും ഇവരെ സ്വീകരിക്കാന് തയ്യാറായില്ല. ഇത്തരം കാര്യങ്ങള് നമ്മളെ എവിടെയാണ് എത്തിക്കുകയെന്ന് ആലോചിക്കണം. ക്വീറന്റീന് കഴിഞ്ഞ് മറ്റ് അപകടങ്ങള് ഇല്ലായെന്ന് അറിഞ്ഞിട്ടും അവരെ മാറ്റി നിര്ത്തുകയായിരുന്നു. രോഗബാധിതരെ പോലും അകറ്റി നിര്ത്തുകയല്ല മുന്കരുതലോട് കൂടി സംരക്ഷിക്കുകയാണ് വേണ്ടതെന്നും മുഖ്യമന്ത്രി പറഞ്ഞു.
ഇത്തരം കാര്യങ്ങള് നമ്മുടെ സമൂഹത്തിന് അപമാനകരമാണെന്നും അത് മനസിലാക്കേണ്ടതുണ്ടെന്നും മുഖ്യമന്ത്രി പറഞ്ഞു. പതിനാല് ജില്ലകളിലും രോഗബാധിതര് വര്ധിച്ചതായും മുഖ്യമന്ത്രി പറഞ്ഞു. സംസ്ഥാനത്ത് ഇന്ന് 211 പേര്ക്ക് കൂടി കൊവിഡ് ബാധ സ്ഥിരീകരിച്ചു. ഇതാദ്യമായാണ് ഒരു ദിവസം 200ല് അധികം പേര്ക്ക് സംസ്ഥാനത്ത് കൊവിഡ് രോഗം സ്ഥിരീകരിക്കുന്നത്. ഇന്ന് രോഗമുക്തി നിരക്കും 200 കടന്നു. ഇന്ന് രോഗമുക്തി 201 പേര്ക്കാണുളളത്. രോഗം സ്ഥിരീകരിച്ചവരില് 138 പേര് വിദേശത്ത് നിന്ന് വന്നവരാണ്. മറ്റ് സംസ്ഥാനത്ത് നിന്ന് വന്നവര് 39 പേര്. സമ്പര്ക്കത്തിലൂടെ 27 പേര്ക്ക് കൊവിഡ് ബാധിച്ചു.
ഇന്ന് ഏറ്റവും കൂടുതല് രോഗികള് ഉളളത് മലപ്പുറം ജില്ലയിലാണ്. മലപ്പുറത്ത് 35 പേര്ക്കാണ് ഇന്ന് രോഗം സ്ഥിരീകരിച്ചിരിക്കുന്നത്. കൊല്ലത്ത് 23, ആലപ്പുഴയില് 21, എറണാകുളത്ത് 17, തൃശൂരില് 21, കണ്ണൂരില് 18, തിരുവനന്തപുരത്ത് 17, പാലക്കാട്, കോട്ടയം, കോഴിക്കോട് ജില്ലകളില് 14, കാസര്കോട് 7, പത്തനംതിട്ട, 7, ഇടുക്കിയില് 2, വയനാട്ടില് ഒരാള്ക്കും ഇന്ന് കൊവിഡ് സ്ഥിരീകരിച്ചു.
Click it and Unblock the Notifications
Sign in with Google