സ്റ്റാലിന്റെ സ്നേഹത്തിന് തമിഴിൽ നന്ദി പറഞ്ഞ് പിണറായി വിജയൻ; ലോറികളിൽ സോദര സ്നേഹത്തിന്റെ അമൂല്യ ശേഖരം
തിരുവനന്തപുരം: ഡിഎംകെ നേതാവ് സ്റ്റാലിനും തമിഴ് ജനതയ്ക്കും തമിഴിൽ നന്ദി അറിയിച്ച് മുഖ്യമന്ത്രി പിണറായി വിജയൻ. പ്രളയക്കെടുതിയിൽ ദുരിതമനുഭവിക്കുന്ന കേരളത്തിന് സഹായം നൽകിയതിനാണ് തമിഴ് ജനതയ്ക്ക് പിണറായി വിജയൻ നന്ദി പറഞ്ഞത്.
അവശ്യസാധനങ്ങള് ശേഖരിക്കാന് രണ്ട് ദിവസം മുമ്പ് ഡിഎ.കെ അദ്ധ്യക്ഷന് എംകെ സ്റ്റാലിന് ജില്ലാ കമ്മറ്റികള്ക്ക് നിര്ദേശം നല്കിയിരുന്നു. ഇതിന്റെ അടിസ്ഥാനത്തിൽ അറുപത് ലോഡ് സാധനങ്ങളാണ് കേരളത്തിലെക്ക് അയക്കുക. അരി, പലവ്യഞ്ജനം, വസ്ത്രം, സാനിറ്ററി നാപ്കിന്, ജീവന്രക്ഷാ മരുന്നുകള്, പഠനസാമഗ്രികള് തുടങ്ങിയവയാണ് പ്രവര്ത്തകര് ശേഖരിച്ചത്.
കഴിഞ്ഞ പ്രളയകാലത്തും തമിഴ്നാട്ടില്നിന്ന് വന്തോതില് സഹായം ലഭിച്ചിരുന്നു. പണമായും അവശ്യസാധനങ്ങളായുമാണ് സഹായം ലഭിച്ചത്. ചെന്നൈയിലെ വരള്ച്ചയെ തുടര്ന്ന് കേരളത്തില്നിന്ന് വെള്ളം നല്കാമെന്ന് മുഖ്യമന്ത്രി പിണറായി വിജയനും അറിയിച്ചിരുന്നു. ഇപ്രാവശ്യവും അകമഴിഞ്ഞ സഹകരണമായിരുന്നു തമിഴ്നാട് കേരളത്തിലെ ജനതയ്ക്ക് നൽകിയത്. പ്രിയ തമിഴ് സഹോദരങ്ങളുടെ സന്മനസിനും കരുതലിനും സല്യൂട്ടെന്നാണ് മുഖ്യമന്ത്രിയുടെ പ്രതികരണം.
Click it and Unblock the Notifications
Sign in with Google